નવીદિલ્હી,\ સુપ્રીમ કોર્ટે ભ્રામક જાહેરાત મામલે સુનાવણી દરમિયાન આકરી ટીપ્પણી કરી છે. કોર્ટે કહ્યું કે જો સેલિબ્રિટી અને સોશિયલ મીડિયા પ્રભાવકો કોઈપણ ભ્રામક પ્રોડક્ટ અથવા સેવાને સમર્થન આપે છે, તો તે તેના માટે સમાન રીતે જવાબદાર છે. જાહેરાતર્ક્તાઓ અથવા જાહેરાત એજન્સીઓ અથવા સમર્થન આપનારાઓ પણ ખોટી અને ભ્રામક જાહેરાતો આપવા માટે સમાન રીતે જવાબદાર છે.આઇએમએ પ્રમુખના વિવાદાસ્પદ નિવેદન પર સુપ્રીમ કોર્ટે પણ નોટિસ જારી કરીને ૧૪ મે સુધીમાં જવાબ માંગ્યો છે.
વાસ્તવમાં, આચાર્ય બાલકૃષ્ણએ સુપ્રીમ કોર્ટમાં અરજી દાખલ કરીને કહ્યું હતું કે આઇએમએ પ્રમુખ અશોકન દ્વારા આપવામાં આવેલા ઇરાદાપૂર્વકના નિવેદનો તાત્કાલિક કાર્યવાહીમાં સીધો હસ્તક્ષેપ છે અને ન્યાયની પ્રક્રિયામાં દખલ છે. આ નિવેદનો પ્રકૃતિમાં નિંદનીય છે અને આ માનનીય અદાલતની ગરિમા અને લોકોની નજરમાં કાયદાની મહિમાને નીચું લાવવાનો સ્પષ્ટ પ્રયાસ છે. બાલકૃષ્ણએ અશોકન સામે કાયદાકીય કાર્યવાહીની માંગ કરી છે.
નોંધનીય છે કે આઇએમએના પ્રમુખ અશોકેે વાત કરતા કહ્યું હતું કે તે ખૂબ જ દુર્ભાગ્યપૂર્ણ છે કે સુપ્રીમ કોટે આઇએમએ અને ખાનગી ડૉક્ટરોની પ્રેક્ટિસની ટીકા કરી છે. તેમણે કહ્યું કે અસ્પષ્ટ નિવેદનોએ ખાનગી ડોક્ટરોનું મનોબળ નીચું કર્યું છે. અમને લાગે છે કે તેણે જોવું જોઈએ કે તેની સમક્ષ કઈ માહિતી મૂકવામાં આવી હતી.
સુપ્રીમ કોર્ટે કહ્યું કે બ્રોડકાસ્ટર્સે કોઈપણ જાહેરાત મૂક્તા પહેલા સ્વ-ઘોષણા ફાઇલ કરવી જોઈએ, ખાતરી કરવી જોઈએ કે તેના પ્લેટફોર્મ પર પ્રસારિત થતી જાહેરાત કેબલ નેટવર્ક નિયમો, જાહેરાત કોડ વગેરેનું પાલન કરે છે. એક માપદંડ તરીકે, અમે નિર્દેશ આપવાનું યોગ્ય માનીએ છીએ કે કોઈપણ જાહેરાતને મંજૂરી આપતા પહેલા સ્વ-ઘોષણા મેળવવામાં આવે. કેબલ ટીવી નેટવર્ક નિયમો ૧૯૯૪, જાહેરાત કોડ વગેરેની તર્જ પર જાહેરાત માટે સ્વ-ઘોષણા મેળવવી જોઈએ.