દિલ્હીમાં શુક્રવાર (૨૮ જૂન) સવારથી સતત વરસાદને કારણે સામાન્ય લોકો માટે મુશ્કેલી ઉભી થઈ છે. દિલ્હીના રસ્તાઓ અને ખાસ કરીને અંડરપાસ પર પાણી ભરાવાને કારણે અનેક વાહનો અટવાઈ ગયા છે.પાણી ભરાયા બાદ દિલ્હી સરકારે એક ઉચ્ચ સ્તરીય બેઠક બોલાવી છે, જ્યારે લેટનન્ટ ગવર્નર વીકે સક્સેનાએ અધિકારીઓને પાણી ભરાવાની સમસ્યાને પહોંચી વળવા ઈમરજન્સી કંટ્રોલ રૂમની સ્થાપના કરવાનો નિર્દેશ આપ્યો છે. લેટનન્ટ ગવર્નરે પણ પરિસ્થિતિની સમીક્ષા કરવા માટે એક બેઠક યોજી છે અને તમામ અધિકારીઓની રજાઓ રદ કરી છે.
ભારે વરસાદ અને પાણી ભરાવાને લઈને દિલ્હી સરકારે આજે બપોરે ૨ વાગ્યે દિલ્હી સચિવાલયમાં ઈમરજન્સી બેઠક બોલાવી હતી. આ બેઠકમાં દિલ્હી સરકારના તમામ મંત્રીઓ અને સંબંધિત વિભાગોના અધિકારીઓ હાજર રહ્યા હતા. બીજી તરફ એલજી વીકે સક્સેનાએ ભારે વરસાદને યાનમાં રાખીને તમામ પ્રકારની તૈયારીઓ કરવા સૂચના આપી છે.
શહેરના અનેક વિસ્તારોમાં વીજ પુરવઠો ખોરવાયો હોવાની માહિતી સામે આવી રહી છે. જેના કારણે રહેવાસીઓને ભારે મુશ્કેલીનો સામનો કરવો પડી રહ્યો છે. આવી સ્થિતિમાં દિલ્હી સરકાર અને લેટનન્ટ ગવર્નર અધિકારીઓ પાસેથી સતત માહિતી લઈ રહ્યા છે. વીજળી વિતરણ કંપનીના અધિકારીઓએ આ માહિતી આપી છે.
લેટનન્ટ ગવર્નર વીકે સક્સેનાએ અધિકારીઓને પાણી ભરાઈ જવાની સમસ્યાને પહોંચી વળવા ઈમરજન્સી કંટ્રોલ રૂમની સ્થાપના કરવાનો નિર્દેશ આપ્યો છે. લેટનન્ટ ગવર્નરના કાર્યાલય દ્વારા આ માહિતી શેર કરવામાં આવી છે.
લેટનન્ટ ગવર્નર વીકે સક્સેનાએ બોલાવેલી ઈમરજન્સી બેઠકમાં તેમને વ્યવસ્થા મજબૂત કરવા માટે કહેવામાં આવ્યું છે. મળતી માહિતી અનુસાર, બેઠકમાં જલ બોર્ડ, પીડબ્લ્યુડી,એમસીડી,એનડીએમસી દિલ્હી પોલીસ, ડીડીએ અને એનડીઆરએફના અધિકારીઓ હાજર હતા. જ્યાં વી.કે.સક્સેનાએ અધિકારીઓને વરસાદથી ઉજાગર થયેલી ખામીઓ પર વિશેષ યાન આપવા જણાવ્યું છે.
પરિસ્થિતિની ચર્ચા કરવા માટે દિલ્હી સરકારના મંત્રીઓએ પણ એક અલગ બેઠકમાં હાજરી આપી હતી, જ્યાં વરસાદની સ્થિતિ અને આગામી દિવસોમાં વિવિધ મુદ્દાઓ પર ચર્ચા કરવામાં આવી હતી. પીટીઆઈ અનુસાર, સફદરજંગ હવામાન કેન્દ્રમાં ૧૫૩.૭ મીમી વરસાદ નોંધાયો છે. સવારે ત્રણ વાગ્યાથી વરસાદ શરૂ થયો હતો. ભારતીય હવામાન વિભાગ અનુસાર, એક દિવસમાં ૧૨૪.૫ થી ૨૪૪.૪ મીમી વરસાદને અતિ ભારે વરસાદ કહેવામાં આવે છે. આગામી બે દિવસમાં પણ વરસાદ ચાલુ રહેવાની સંભાવના છે.