જટિલ પેલેસ્ટાઈન મુદ્દાના શાંતિપૂર્ણ ઉકેલ માટે ભારતે તેની ઐતિહાસિક અને અતૂટ પ્રતિબદ્ધતા વ્યક્ત કરી છે. તેમણે વાટાઘાટોના બે-રાજ્ય ઉકેલને ટેકો આપ્યો જે ઇઝરાયેલ સાથે શાંતિમાં પેલેસ્ટાઇનના સાર્વભૌમ, સ્વતંત્ર અને વ્યવહારુ રાજ્યની સ્થાપના તરફ દોરી જશે.
સંયુક્ત રાષ્ટ્રમાં ભારતના નાયબ સ્થાયી પ્રતિનિધિ રાજદૂત આર રવિન્દ્રએ પેલેસ્ટાઈન શરણાર્થીઓ માટે સંયુક્ત રાષ્ટ્ર એજન્સીના સંમેલનમાં આ નિવેદન આપ્યું હતું. તેમણે કહ્યું કે ભારતે હંમેશા સંવાદ પર આધારિત બે-રાજ્ય ઉકેલને સમર્થન આપ્યું છે, જે પેલેસ્ટાઈનના સાર્વભૌમ, સ્વતંત્ર અને વ્યવહારુ રાજ્યની સ્થાપના તરફ દોરી જાય છે. તેમણે પેલેસ્ટાઈનના શાંતિપૂર્ણ ઉકેલ માટે ભારતની ઐતિહાસિક અને અતૂટ પ્રતિબદ્ધતા વ્યક્ત કરી હતી. તેમણે કહ્યું કે ભારતે ગાઝામાં ચાલી રહેલા ઈઝરાયેલ-હમાસ સંઘર્ષ અંગે સૈદ્ધાંતિક વલણ અપનાવ્યું છે અને મહિલાઓ અને બાળકો સહિત નાગરિકોના મૃત્યુની સખત નિંદા કરી છે. આર રવિન્દ્રએ કહ્યું કે ભારત ગયા વર્ષે ૭ ઓક્ટોબરે થયેલા બર્બર હુમલાની સખત નિંદા કરે છે અને તમામ બંધકોને બિનશરતી મુક્ત કરવાની માંગ કરે છે.
આર રવિન્દ્રએ વધુમાં કહ્યું કે ભારત પેલેસ્ટાઈનના લોકો માટે વિશ્ર્વસનીય વિકાસ ભાગીદાર રહ્યું છે. વર્ષોથી, ભારતે પેલેસ્ટાઈનને લગભગ મિલિયનની રકમની વિકાસ સહાય વિવિધ સ્વરૂપોમાં પૂરી પાડી છે, જેમાં યોગદાન તરીકે મિલિયનનો સમાવેશ થાય છે. તેમણે કહ્યું, ’મને કહેતા આનંદ થાય છે કે અમે આ વર્ષે પણ અમારું વાષક ૫ મિલિયન ડૉલરનું યોગદાન ચાલુ રાખીશું. ભારત ભારતની વિવિધ શૈક્ષણિક સંસ્થાઓમાં અંડરગ્રેજ્યુએટ, અનુસ્નાતક અને ડોક્ટરલ અભ્યાસ માટે ૫૦ પેલેસ્ટિનિયન વિદ્યાર્થીઓને શિષ્યવૃત્તિ પ્રદાન કરી રહ્યું છે, આર રવિન્દ્રએ જણાવ્યું હતું કે, પેલેસ્ટિનિયન ઓથોરિટી તરફથી જીવનરક્ષક દવાઓ માટે વિનંતી પણ પ્રાપ્ત થઈ છે, જેનો સક્રિયપણે પ્રતિસાદ આપવામાં આવી રહ્યો છે. ભારત દ્વારા ઔપચારિક રીતે ગણવામાં આવે છે.