વોશિંગ્ટન,યુ.એસ.માં ભારતના રાજદૂત તરનજીત સિંહ સંધુએ કહ્યું છે કે વર્તમાન જી-૨૦ પ્રમુખ તરીકે, ભારત વિશ્ર્વ સાથે તેની સંભવિતતા અને સફળતા શેર કરવા માટે તૈયાર છે. સંધુએ એમ પણ કહ્યું કે ભારત-અમેરિકાની ભાગીદારીથી માત્ર બંને દેશોને જ ફાયદો થશે નહીં, પરંતુ તે સમગ્ર વિશ્ર્વ માટે મહત્વપૂર્ણ છે.ભારતે ગયા વર્ષે ડિસેમ્બરમાં વર્ષભર જી-૨૦ નું પ્રમુખપદ સંભાળ્યું હતું. તે આ વર્ષે સપ્ટેમ્બરમાં નવી દિલ્હીમાં સમિટનું આયોજન કરશે.જી-૨૦ એ વિશ્ર્વની ૨૦ મોટી વિકસિત અને વિકાસશીલ અર્થવ્યવસ્થાઓનું એક મહત્વપૂર્ણ મંચ છે.
અહીં ’ઇન્ડિયન હાઉસ’ ખાતે પ્રતિષ્ઠિત ભારતીય-અમેરિકનોને સંબોધતા સંધુએ કહ્યું, જી ૨૦ ના વર્તમાન અધ્યક્ષ તરીકે, અમે અમારી સંભવિતતા અને સફળતાઓ – રસીઓ અને કૌશલ્યો વિશ્ર્વ સાથે શેર કરવા તૈયાર છીએ. ડિજિટલ પબ્લિક તરફથી અમે અન્ય લોકો પાસેથી જે શીખ્યા તેનો લાભ છે. સંધુએ કહ્યું કે વડાપ્રધાન નરેન્દ્ર મોદી અને અમેરિકી રાષ્ટ્રપતિ જો બિડેન માને છે કે લોકશાહી પરિણામ આપશે.
તેમણે એમ પણ કહ્યું કે, “ભારતનો અમેરિકા સાથે ઘણા ક્ષેત્રોમાં સહયોગ છે. અમે કવાટ આઇ૨યુ-૨ અને આઇપીઇએફ હેઠળ સાથે મળીને કામ કરી રહ્યા છીએ. રાજદૂતે કહ્યું, “અમારા ડાયસ્પોરાએ અમારા સપનાઓને વધુ પાંખો આપી છે અને અમારી ઉડાનને વધુ વેગ આપ્યો છે.” સંધુએ ભારતીય બંધારણના ઘડવૈયા ડૉ. ભીમ રાવ આંબેડકરને તેમની ૧૩૨મી જન્મજયંતિ પર શ્રદ્ધાંજલિ પણ અર્પણ કરી.