ટી ૨૦ વર્લ્ડ કપ ૨૦૨૪માં પાકિસ્તાન ટીમનું ખરાબ પ્રદર્શન ચાલુ છે. પાકિસ્તાનને યુનાઈટેડ સ્ટેટ્સ ઑફ અમેરિકા દ્વારા સુપર ઓવરમાં પ્રથમ પરાજય મળ્યો હતો. હવે તેને રવિવારે (૯ જૂન) ભારત સામેની મેચમાં છ રનથી હારનો સામનો કરવો પડ્યો હતો. ભારત સામેની હાર બાદ પાકિસ્તાની ટીમ મુશ્કેલીમાં છે. પાકિસ્તાન પર હવે ટી ૨૦ વર્લ્ડ કપ ૨૦૨૪માંથી બહાર થવાનો ખતરો છે.
પાકિસ્તાનની ટીમ ગ્રુપ-એમાં ચોથા સ્થાન પર છે. પાકિસ્તાનના ૨ મેચ બાદ ૦ પોઈન્ટ છે અને તેનો નેટ રન રેટ પણ માઈનસ (-૦.૧૫૦)માં છે. અત્યારે તેના સુપર-૮માં જવાની શક્યતાઓ ઘણી ઓછી લાગી રહી છે. બાબર આઝમની કપ્તાનીવાળી ટીમે હવે તેની બાકીની બે મેચ કેનેડા અને આયર્લેન્ડ સામે રમવાની છે. જો પાકિસ્તાન આ બંને મેચ જીતી જાય તો પણ સુપર-૮માં તેનો પ્રવેશ નિશ્ર્ચિત નહીં હોય.
હવે પાકિસ્તાને આશા રાખવી પડશે કે યુએસએ વધુ મેચ જીતે નહીં. આ સિવાય કેનેડાને તેની બંને મેચ હારવી પડશે અને આયર્લેન્ડે એકથી વધુ મેચ જીતવી પડશે નહીં. જો પાકિસ્તાન તેની બંને મેચ જીતે છે, જ્યારે યુએસએ તેની બાકીની બે મેચ હારી જાય છે. તો આવી સ્થિતિમાં યુએસએ અને પાકિસ્તાન બંને પાસે ૪-૪ પોઈન્ટ હશે અને સુપર-૮ સ્ટેજ માટે લાયકાત નેટ રન-રેટ પર નિર્ભર રહેશે.
જો યુએસએ ભારત સામે હારી જાય અને આયર્લેન્ડને હરાવે તો પાકિસ્તાન સુપર ૮માંથી બહાર થઈ જવું નિશ્ર્ચિત છે. આ રીતે અમેરિકા ઐતિહાસિક પ્રદર્શન કરીને સુપર-૮માં પહોંચશે. જો પાકિસ્તાન તેની બેમાંથી માત્ર એક મેચ જીતે તો તે સંપૂર્ણ રીતે બહાર થઈ જશે. આ સાથે જ ભારત સરળતાથી એક મેચ જીતીને સુપર-૮માં પ્રવેશ કરી શકે છે.
હાલમાં, પાકિસ્તાનનું દ્ગઇઇ અમેરિકા ( ૦.૬૨૬) અને ભારત ( ૧.૪૫૫) બંને કરતાં ખરાબ છે. આવી સ્થિતિમાં, તે તેની તમામ મેચો જીતવાનો પ્રયાસ કરશે, પરંતુ તે પણ ઇચ્છશે કે તેનો નેટ રન રેટ તેમાંથી એક ટીમ (અમેરિકા અને ભારત)ને હરાવવા માટે પૂરતો હોવો જોઈએ. કેનેડા પાસે પણ સુપર-૮ રાઉન્ડમાં પહોંચવાની સારી તક છે. તેમનો દ્ગઇઇ હાલમાં નેગેટિવ હોવાથી, તેઓએ પહેલા તેમની તમામ મેચ જીતવી પડશે અને આશા છે કે અન્ય પરિણામો તેમના માર્ગે જશે. ગ્રુપની ટોપ ૨ ટીમ સુપર-૮ રાઉન્ડમાં રહેશે.