ભારત અને સાઉથ આફ્રિકા વચ્ચે રમાયેલી ઝ-20 વર્લ્ડ કપની ફાઇનલ મેચ અત્યંત દિલ ધડક મુકાબલા બાદ ભારતે સાત રને જીતી લીધી હતી. ભારતે ટોસ જીતીને પ્રથમ બેટિંગ લીધી હતી. વેસ્ટ ઈન્ડિઝ ખાતે રમાયેલ આ મેચમાં ભારતની જીત થતા ગોધરા શહેરમાં મધરાત્રે દિવાળી જેવો માહોલ સર્જાયો હતો અને લોકલ બોય હાર્દિક પંડ્યા હીરો ઓફ ધ ડે બન્યો હતો. મધરાત્રે શહેરના પોલન બજાર અને કિકેડીની ચોકડી સહિત અનેક જગ્યાએ યુવાધને તિરંગા સાથે વિજય રેલી કાઢી એકબીજાને મીઠાઈ ખવડાવી મો મીઠું કરાવ્યું હતું અને હર્ષ ઉલ્લાસ આનંદ સાથે મધરાત સુધી જીતનો જસ્ન જારી રહ્યો હતો.