નવીદિલ્હી, ભાજપ રામનવમીની ભવ્ય ઉજવણી કરશે. જેમાં લોક્સભા ચૂંટણીને લઈને વિવિધ કાર્યક્રમોનું આયોજન કર્યું છે. તેમાં ૧૭ એપ્રિલે દરેક વિસ્તારના મંદિરમાં ઉજવણી કરાશે. ભાજપના નેતાઓ મંદિરોમાં સફાઈ કરી આરતી કરશે.
દરેક વિધાનસભામાં સહકાર સંમેલનો આયોજિત કરાશે. જેમાં ભાજપે લોક્સભા ચૂંટણીને લઇ કાર્યક્રમ નક્કી કર્યા છે. તેમાં રામ મંદિર બાદ હવે રામ નવમીની ભાજપ ભવ્ય ઉજવણી કરશે. ૧૭ એપ્રિલ દરેક વિસ્તારના મંદિરમાં ઉજવણી કરવા ભાજપનું આયોજન છે. જેમાં મંદિરમાં સફાઈ અભિયાન અને સાંજે ભાજપના નેતાઓ આરતી કરશે. તથા ભાજપ સામાજિક સમભાવ કાર્યક્રમ કરશે. તમામ સમાજના લોકોને સાથે રાખીને કાર્યક્રમ કરશે. બે-ત્રણ શક્તિ કેન્દ્ર ભેગા કરી મારો પરિવાર મોદી પરિવારના નામે સભા કરશે. જેમાં દરેક વિધાનસભામાં સહકાર સંમેલનો કરવા પાર્ટીની સૂચના છે. દરેક ઉમેદવારને સૂચના છે કે ઉમેદવારી નોંધાવતા પહેલા સભા કરવી અને બાદમાં ઉમેદવારી કરવી.