ઇન્દોર,
દેશમાં ખાલિસ્તાની સમર્થકો ફરી એકવાર માથું ઉંચકી રહ્યા છે. આ દરમિયાન હિન્દુ રાષ્ટ્રની માંગ પણ સમયાંતરે જોર પકડે છે, જેના પર ભારતીય જનતા પાર્ટીના મહાસચિવ કૈલાશ વિજયવર્ગીયએ મધ્યપ્રદેશના ઈન્દોરમાં મોટું નિવેદન આપ્યું છે. કૈલાશ વિજયવર્ગીયએ કહ્યું કે વિભાજન પછી છોડી ગયેલું ભારત ’હિન્દુ રાષ્ટ્ર’ છે.
મીડિયા સાથે વાત કરતા ભાજપના નેતા કૈલાશ વિજયવર્ગીયએ કહ્યું કે જ્યારે ભારતનું વિભાજન થયું ત્યારે તે આ મુદ્દા પર (ધામક આધાર પર) હતું. ભાગલા પછી પાકિસ્તાનની રચના થઈ હતી અને બાકીનો દેશ હિન્દુ રાષ્ટ્ર છે. વાસ્તવમાં, વિજયવર્ગીયએ આ નિવેદન ત્યારે આપ્યું જ્યારે ભારતને હિન્દુ રાષ્ટ્ર જાહેર કરવાની માંગ અંગે પ્રશ્ર્ન પૂછવામાં આવ્યો હતો. ’મારો મુસ્લિમ મિત્ર હનુમાન ચાલીસાનો પાઠ કરે છે’ વિજયવર્ગીયએ કહ્યું કે ૧૯૪૭માં ભારત-પાકિસ્તાનના ભાગલાનો આધાર ધર્મ હતો અને તે પછી જે દેશ બચી ગયો તે હિન્દુ રાષ્ટ્ર બની ગયો.
આ સિવાય બીજેપી નેતાએ એવો પણ દાવો કર્યો હતો કે ભોપાલમાં રહેતો તેમનો એક મુસ્લિમ મિત્ર દરરોજ હનુમાન ચાલીસાનો પાઠ કરે છે અને શિવ મંદિર પણ જાય છે. તેમણે કહ્યું કે તેમના મુસ્લિમ મિત્રની જેમ દેશમાં એવા ઘણા લોકો છે જેમને લાગે છે કે તેમના વડવાઓએ એકવાર હનુમાન ચાલીસાનો પાઠ કર્યો હતો. જોકે, વિજયવર્ગીયે પોતાની ગોપનીયતાને ટાંકીને વ્યક્તિની ઓળખ જાહેર કરવાનો ઇનકાર કર્યો હતો. આ સાથે, તેમણે એમ પણ કહ્યું કે તેઓ યુવાનોને ડ્રગ્સથી દૂર કરવા માટે હનુમાન ચાલીસા ક્લબ બનાવવાનું વિચારી રહ્યા છે.