બેંક ઓફ બરોડા જંત્રાલ અને બાકરોલ બ્રાન્ચ દ્વારા સંયુક્ત રીતે 117 માં સ્થાપના દિવસના ઉપલક્ષમાં પલાસા પ્રાથમિક શાળાના 315 બાળકોને વોટર બોટલની ભેટ આપવામાં આવી. જે માટે જંત્રાલ બ્રાન્ચના મેનેજર રાજેશભાઈ શૈની અને બાકરોલ બ્રાન્ચ માંથી કૃણાલભાઈ શાહ, પલાસા ગામના સરપંચ જયેશભાઈ પરમાર તેમજ ગામના આગેવાનો ઉપસ્થિત રહ્યા હતા. રાજેશભાઈ શૈની દ્વારા બાળકોને ઉત્તમ ચારિત્ર ઘડતર અંગે તેમજ સુક્ધયા યોજનાના લાભ અંગે માર્ગદર્શન પૂરૂં પાડવામાં આવ્યું હતું. કાર્યક્રમના અંતે શાળાના આચાર્યએ ઉપસ્થિત સૌ મહેમાનોનો અંત:કરણપૂર્વક આભાર વ્યક્ત કર્યો હતો અને દાતાઓ દ્વારા પ્રાથમિક શાળાના બાળકોને વોટર બોટલની ભેટ આપી હતી. જેથી શાળાના બાળકોમાં અનેરો ઉત્સાહ જોવા મળ્યો હતો.