મહીસાગર જિલ્લામાં ડમ્પરનો ગંભીર અકસ્માત સર્જાયો. જેમાં ડમ્પરચાલકનું ઘટનાસ્થળે મોત નિપજ્યું હતું. ઘટના લુણાવાડા તાલુકાની છે જ્યાં બાલાસિનોર વીરપુર હાઇવે પર લુણાવાડા તાલુકાના લાલસર ચોકડીથી ચોરી ગામ વચ્ચે ડમ્પર રોડની સાઈડમાં એક ઝાડ સાથે ધડાકાભેર અથડાયું હતું. અકસ્માત એટલો ભયાનક હતો કે ડમ્પરચાલકનું ઘટનાસ્થળે જ કમકમાંટીભર્યુ મોત નિપજ્યું હતું.
આ બનાવની જાણ થતાં આસપાસના ગામ લોકો ઘટનાસ્થળે દોડી આવ્યા હતા અને ભારે જહેમત બાદ ચાલકના મૃતદેહને બહાર કાઢ્યો હતો. જ્યારે પોલીસને બનાવની જાણ થતાં કોઠંબા પોલીસ ઘટનાસ્થળે પહોંચી વધુ કાર્યવાહી તપાસ હાથ ધરી છે. પ્રાથમિક માહિતી અનુસાર ડમ્પરચાલક કડાણા તાલુકાના રણકપુર ગામનો વતની હોવાની પ્રાથમિક વિગત મળી છે.
