- દારૂની લાઇનો ધમધમતી કરવા બૂટલેગરોના ધમપછાડા.
બાલાસિનોર વડદલા રોડ ઉપર આવેલ આશીર્વાદ હોટેલની સામે આવેલ ખેતરો તરફ જવાના રોડ કાચા રોડ ઉપર ડાબી બાજુના પથ્થરો વાળા ખેતરમાં એક વિદેશી દારૂ ભરેલ આઈસર ટ્રક પડી હોવાની ચોક્કસ બાતમી બાલાસિનોર પી.સી.આર.માં ફરજ બજાવતા અ.પો.કો. શૈલેષ ભરવાડને મળતા બાતમીના આધારે બાલાસિનોર ટાઉન પોલીસ તેમજ મહીસાગર લોકલ ક્રાઇમ બ્રાન્ચની ટીમ સ્થળ પર પહોંચી રેઇડ કરી હતી. પોલીસે તપાસ કરતા મહારાષ્ટ્ર રાજ્યની આઇસર ટ્રક નંબર MH-18-BG-2795 માં ભારતીય બનાવટના વિદેશી દારૂના કાચના તથા પ્લાસ્ટિકના કવોટર તથા કાચની બોટલો મળી 27,49,600 રૂપિયાની કુલ 20,174 નંગ બોટલો તથા રૂપિયા 12,00,000 નો આઈસર ટ્રક મળી કુલ 39,49,600 રૂપિયાનો મુદ્દામાલ પકડી ટ્રક ચાલક તેમજ દારૂનો જથ્થો ભરી આપનાર તથા દારૂનો જથ્થો મંગાવનાર અજાણ્યા ઈસમો વિરૂદ્ધ ગુન્હો નોંધી કાર્યવાહી કરી આગળની તપાસ હાથ ધરવામાં આવી હતી.