બાલાસીનોર, બાલાસીનોર તાલુકાના જેઠોલી ગામે પાનનો ગલ્લો ચલાવતા વ્યકિત ઉપર રૈયોલી ગામના ત્રણ ઈસમો દ્વારા હુમલો કરી ઈજાઓ પહોંચાડતા ઈજાગ્રસ્ત વ્યકિતને સી.એચ.સી.કેન્દ્ર ખાતે સારવાર માટે ખસેડવામાંં આવ્યો.
પ્રાપ્ત વિગતો મુજબ બાલાસીનોર તાલુકાના જેઠોલી ગામ પાનનો ગલ્લો ચલાવતા વ્યકિત સાથે કોઈપણ કારણોસર રૈયોલી ગામના ત્રણ ઈસમોએ આવીને મારામારી કરી હતી અને ગલ્લો ચલાવતા ભાઈને પાઈપો અને લાકડાના દંડાઓ વડે ઈજાઓ પહોંચાડતા ગલ્લાવાળાને દવા સારવાર માટે બાલાસીનોર સી.એચ.સી. કેન્દ્ર ખાતે ખસેડવામાં આવ્યો હતો. આ ધટનાની જાણ થતાં બાલાસીનોર તાલુકા પોલીસ ધટના સ્થળે દોડી આવી હતી અને ત્રણ ઈસમો વિરૂદ્ધ ગુનો નોંધી કાયદેસર કાર્યવાહી હાથ ધરી છે.