બાલાસિનોર,બાલાસિનોર-વિરપુર રોડ પર આવેલા ફગવા જકાતનાકા પાસે ત્રિપલ અકસ્માત સર્જાયો હતો. જેમાં એક મહિલા અને એક પુરૂષના મોત નીપજયાં હતા. જયારે ધટના સ્થળે બાલાસિનોર ટાઉન પોલીસ ધટના સ્થળે પહોંચી હતી.
પ્રાપ્ત માહિતી અનુસાર બાલાસિનોર-વિરપુર રોડ પર આવેલા ફાગવા જકાતનાકા પાસે ગાડી અને એક્ટિવા વચ્ચે અકસ્માત સર્જાયો હતો. જેમાં રસ્તા પર જતી અન્ય મોટરસાયકલ પણ આ અકસ્માતનો ભોગ બની હતી. જેમાં ધટના સ્થળે વિરપુર પોલીસ સ્ટેશનમાં ફરજ બજાવતા કોન્સ્.તુલસીબેન અને યુવકનુ ધટના સ્થળે મોત નીપજયું હતુ. જયારે અન્ય મૃતકની ઓળખ હાલ થઈ ન હતી. તેમ પોલીસે જણાવ્યુ હતુ. ગમખ્વાર અકસ્માત સર્જાતા આસપાસના ટોળેટોળા વળી ગયા હતા. અન્ય મોટરસાયકલ સવારને ઈજાઓ પહોંચતા નજીક હોસ્પિટલ સારવાર માટે ખસેડવામાં આવ્યા હતા. કાર અને એક્ટિવા વચ્ચે સર્જાયેલ અકસ્માતમાં એક્ટિવા સવાર તુલસીબેન ફંગોળાતા મોટરસાયકલ પર જઈને પડતા મોટરસાયકલ સવાર નીચે પડી જતાં પગના ભાગે ઈજાઓ પહોંચી હતી.જયારે તેઓને સારવાર માટે ખસેડવામાં આવ્યા હતા. બાલાસિનોર ગમખ્વાર અકસ્માતમાં બે વ્યકિતના મોત થયા હતા. જયારે કાર ચલાવનાર બાલાસિનર સ્થિત શો-રૂમનો મેનેજર રાજેશ પટેલ હોવાનુ સામે આવ્યુ હતુ. બાલાસિનોર ટાઉન પોલીસે ધટના સ્થળે પહોંચી બંને મૃતદેહોન પી.એમ.માટે બાલાસિનોર સામુહિક આરોગ્ય કેન્દ્ર ખાતે ખસેડવામાં આવ્યા હતા.