મુુંબઇ,ભૂતપૂર્વ ધારાસભ્ય બાબા સિદ્દીકી અને તેમના પુત્ર જીશાન સિદ્દીકીએ મુંબઈના બાંદ્રામાં તાજ લેન્ડ્સ એન્ડ ખાતે ઈફ્તાર પાર્ટીનું આયોજન કર્યું હતું. જેમાં બોલિવૂડ તેમજ ટીવી ઉદ્યોગના સ્ટાર્સે હાજરી આપી હતી. સલમાન ખાન, સલીમ ખાન, શહનાઝ ગિલ, પલક તિવારી, પૂજા હેગડે, હુમા કુરેશી, સિદ્ધાર્થ નિગમ, રાઘવ જુયાલ, જાવેદ જાફરી, સાજિદ ખાન, ભૂતપૂર્વ ટીવી અભિનેત્રી સના ખાન, આયુષ શર્મા- અપતા, ઈમરાન હાશ્મી અને ડેવિડ ધવન સહિત ઘણા સેલેબ્સ રોયલ ઈફ્તાર પાર્ટીમાં પહોંચ્યા હતા.
આ દરમિયાન ભાઈજાન બ્લેક બ્લેક પઠાણી કુર્તા-પાયજામામાં જોવા મળ્યો હતો, જ્યારે તેની આગામી ફિલ્મની મુખ્ય અભિનેત્રી પૂજા હેગડે બ્લેક ચમકદાર સાડીમાં જોવા મળી હતી. પલક તિવારીએ પાર્ટી માટે ગ્રે-સિલ્વર લહેંગા પસંદ કર્યો.
પાર્ટીમાં શહનાઝ ગિલનો લુક સૌથી વધુ ચર્ચામાં રહ્યો હતો. ખરેખર, શહનાઝ તેના ભાઈ શાહબાઝ સાથે પાર્ટીમાં પહોંચી હતી, આ દરમિયાન તેણે ઓરેન્જ અને ગોલ્ડન કલરનો સૂટ-સલવાર પહેર્યો હતો, જેમાં તે ખૂબ જ સુંદર લાગી રહી હતી. પાર્ટીની તસવીરો અને વીડિયો સોશિયલ મીડિયા પર ચર્ચામાં છે.
ઈવેન્ટમાં સલમાન ખાન ઓલ બ્લેક પઠાણી આઉટફિટમાં જોવા મળ્યો હતો. ’બિગ બોસ’ વિનર પ્રિયંકા ચહર ચૌધરી ઈવેન્ટ દરમિયાન લોરલ સાડીમાં જોવા મળી હતી. ઇવેન્ટ દરમિયાન નરગીસ સિલ્વર લોરલ આઉટફિટમાં જોવા મળી હતી.તેજસ્વી પ્રકાશ તેના બોયફ્રેન્ડ કરણ કુન્દ્રા સાથે પાર્ટીમાં પહોંચી હતી.શહેનાઝ ગિલ તેના ભાઈ શહેબાઝ સાથે રેડ કાર્પેટ પર પોઝ આપી રહી છે. ઈવેન્ટ દરમિયાન પલક તિવારી ગ્રે રંગના લહેંગામાં જોવા મળી હતી, જેમાં સુંદર મિરર વર્ક કરવામાં આવ્યું હતું. પૂજા હેગડે બ્લેક અને સિલ્વર સાડીમાં જોવા મળી હતી, જેની સાથે તેણે સિલ્વર કલરનું પેન્ડન્ટ સ્ટાઇલ કર્યું હતું.