- ૧૦ મેના રોજ સવારે ૭ વાગે કેદારનાથ મંદિરના દરવાજા ભક્તો માટે ખોલવામાં આવશે
કેદારનાથ,કેદારનાથના દરવાજા ખોલવાની પ્રક્રિયા ઓમકારેશ્ર્વર મંદિરમાં કેદારપુરીના રક્ષક બાબા ભૈરવનાથની પૂજા સાથે શરૂ થઈ હતી. બાબા કેદારની પંચમુખી ચલ-વિગ્રહ ઉત્સવ ડોળી આજે સોમવારે વિશેષ પૂજા સાથે નિજ ધામ જવા રવાના થઇ છે આ માટે ઓમકારેશ્ર્વર મંદિરને આઠ ક્વિન્ટલ ફૂલોથી શણગારવામાં આવ્યું હતું અખાત્રીજ ૧૦મી મેના રોજ ધામના દરવાજા ખોલવાના છે. ઓમકારેશ્ર્વર મંદિર ઉખીમઠમાં બાબા ભૈરવનાથની પૂજા રવિવારે સાંજે ૭ કલાકે શરૂ થઈ હતી. આ દરમિયાન ઓમકારેશ્ર્વર ધામ બાબા ભૈરવનાથની સ્તુતિથી ગુંજી ઉઠ્યું હતું. મંદિર સમિતિના અધિકારીએ જણાવ્યું કે ડોળી યાત્રાનો પહેલો સ્ટોપ વિશ્ર્વનાથ મંદિર, ગુપ્તકાશી છે. ડોળી યાત્રા ૭ મેના રોજ ફાટા, ૮ મેના રોજ ગૌરીકુંડ અને ૯ મેના રોજ કેદારનાથ ધામ પહોંચશે. ૧૦ મેના રોજ સવારે ૭ વાગે કેદારનાથ મંદિરના દરવાજા ભક્તો માટે ખોલવામાં આવશે.
મુખ્યમંત્રી પુષ્કર સિંહ ધામીએ કહ્યું કે જે દિવસે ચાર ધામોના દરવાજા ખુલશે તે દિવસે ત્યાં હેલિકોપ્ટરથી ફૂલોની વર્ષા કરવામાં આવશે. તેમણે કહ્યું કે ઉત્તરાખંડ યજમાન છે, તેથી ગયા વર્ષના અનુભવોમાંથી શીખીને આ યાત્રાને વધુ સારી બનાવવાની જવાબદારી છે. આ યાત્રા કોઈ ખાસ વ્યક્તિની નથી પરંતુ સમગ્ર દેશની છે.
ચારધામ યાત્રાને સુચારૂ અને સલામત બનાવવા માટે અધિકારીઓને ૧૦ મે સુધીમાં તમામ તૈયારીઓ પૂર્ણ કરવા નિર્દેશ આપવામાં આવ્યો છે, જેથી અહીં આવતા શ્રદ્ધાળુઓ એક સારો સંદેશ લઈ જાય. મુખ્યમંત્રી પુષ્કર સિંહ ધામીએ રવિવારે નવી દિલ્હીના ઉત્તરાખંડ સદનથી ૩૦૦ સેવાદારોની ટીમ સાથે બાબા કેદારનાથ ડોલી યાત્રા સાથે ચાલી રહેલા મુખ્ય સેવક કા ભંડારા કાર્યક્રમને વર્ચ્યુઅલ રીતે લીલી ઝંડી આપી હતી. આ ટીમને મુખ્ય સેવક સદન, મુખ્યમંત્રી કેમ્પ ઓફિસ, દેહરાદૂનથી મોકલવામાં આવી હતી.
બીજેવાયએમ રાજ્ય મંત્રી હિમાંશુ ચમોલીએ કહ્યું કે બાબા કેદારનાથ ધામના દરવાજા ૧૦ મેના રોજ અક્ષય તૃતીયાના રોજ ખોલવામાં આવશે. દરવાજા ખોલતા પહેલા, ૫ મેના રોજ, બાબા કેદારની પંચમુખી ભોગમૂત ચલ વિગ્રહ ઉત્સવ ડોળી યાત્રા પંચકેદાર ગદ્દી સ્થળ ઓમકારેશ્ર્વર મંદિર, ઉખીમઠથી કેદારનાથ માટે રવાના થઇે. આ યાત્રા ગુપ્તકાશી ફાટા થઈને કેદારનાથ ધામ પહોંચશે. ગત વર્ષની જેમ આ વખતે પણ મુખ્ય સેવકનો ભંડારાનો કાર્યક્રમ ૧૦ મે સુધી ચાલશે. ઉખીમઠ, ગુપ્તકાશી, ફાટા, ગૌરીકુંડ અને કેદારનાથમાં ભંડારાની તમામ તૈયારીઓ પૂર્ણ કરી લેવામાં આવી છે. આ સમયગાળા દરમિયાન સ્વચ્છતાની સાથે સાથે પર્યાવરણને કોઈ નુક્સાન ન થાય તેનું યાન રાખવામાં આવશે.