કેદારનાથ, દર વર્ષની જેમ આ વર્ષે પણ મહાશિવરાત્રીના શુભ અવસર પર બાબા કેદારનાથ ધામના દ્વાર ખોલવાની તારીખ જાહેર કરવામાં આવી હતી. આજે, શુક્રવારે (૮ માર્ચ) ઓમકારેશ્ર્વર મંદિર, ઉખીમઠ ખાતે તારીખ જાહેર કરવામાં આવી હતી. ૧૦ મેના રોજ સવારે ૭ વાગ્યાથી બાબા કેદારના દ્વાર ખુલશે. ઉપરાંત, ૬ મેના રોજ શિયાળુ બેઠક ઓમકારેશ્ર્વર મંદિરથી ડોલી રવાના થશે.
બાબા કેદારનાથ રાવલ અને અન્ય પૂજારીઓની હાજરીમાં શુભ મુહૂર્તની ઉજવણી કરવામાં આવી હતી. આ પ્રસંગે બદરી કેદાર સમિતિના અયક્ષ અજેન્દ્ર અજય પણ હાજર હતા. સમાચાર એજન્સી છદ્ગૈં અનુસાર, શ્રી બદ્રીનાથ-કેદારનાથ મંદિર સમિતિએ જણાવ્યું કે પંચમુખી ડોલી ૬ મેના રોજ શ્રી કેદારનાથ ધામ માટે રવાના થશે અને વિવિધ સ્ટોપ પરથી પસાર થયા બાદ ૯ મેની સાંજે કેદારનાથ ધામ પહોંચશે.
શ્રી બદ્રીનાથ-કેદારનાથ મંદિર સમિતિના અયક્ષ અજેન્દ્ર અજયની હાજરીમાં પચકદર ગદ્દી સ્થળ શ્રી ઓમકારેશ્ર્વર મંદિર, ઉખીમઠ ખાતે આયોજિત ધામક સમારોહમાં આજે દરવાજા ખોલવાની તારીખ નક્કી કરવામાં આવી છે. મહાશિવરાત્રી નિમિત્તે ઉખીમઠના ઓમકારેશ્ર્વર મંદિરમાં સવારે ૯ વાગ્યાથી ધામક કાર્યક્રમોનો પ્રારંભ થયો હતો.
આ પહેલા બસંત પંચમીના અવસર પર બદ્રીનાથ ધામના દરવાજા ખોલવાની તારીખ જાહેર કરવામાં આવી હતી. આ પછી પ્રશાસને ચારધામ યાત્રાની તૈયારીઓ પર જોર આપવાનું શરૂ કર્યું. ચારધામ યાત્રા દરમિયાન મોટાભાગના ભક્તો બાબા કેદારનાથ ધામમાં દર્શન માટે જાય છે. આ મુસાફરોને પણ કેટલીક સમસ્યાઓનો સામનો કરવો પડે છે. મુસાફરોની આ મુશ્કેલીને જોતા વહીવટીતંત્રએ તૈયારીઓ શરૂ કરી દીધી હતી.