અયોધ્યાના ભાદરસા ગેંગરેપ કેસના આરોપી મોઈદ ખાનના શોપિંગ કોમ્પ્લેક્સ પર બુલડોઝર ચલાવવામાં આવી રહ્યું છે. આ કાર્યવાહીમાં અનેક બુલડોઝર બોલાવવામાં આવ્યા છે. આ બિલ્ડીંગમાં બેંકની ઓફિસ પણ હતી. કાર્યવાહી કરવા માટે મોટી સંખ્યામાં પોલીસ દળો તૈનાત કરવામાં આવ્યા છે.
મળતી માહિતી મુજબ શોપિંગ કોમ્પ્લેક્સ ખાલી કરાવવામાં આવ્યું છે. પીએનબીએ પણ તેની ઓફિસ ખાલી કરી દીધી છે. શોપિંગ કોમ્પ્લેક્સનો ત્રીજા ભાગનો નાશ થશે. આરોપ છે કે મોઇદ ખાને સરકારી જમીન પર ગેરકાયદે કબજો કરીને શોપિંગ કોમ્પ્લેક્સ બનાવ્યું હતું. અગાઉ આરોપી મોઇદ ખાનની બેકરી પર પણ બુલડોઝરનો ઉપયોગ કરવામાં આવ્યો હતો. ડીએનએ ટેસ્ટ માટે આરોપી મોઈદ ખાન અને રાજુ ખાનના સેમ્પલ લેવામાં આવ્યા છે. હજુ રિપોર્ટની રાહ જોવાઈ રહી છે.
દરમિયાન, અયોધ્યા ગેંગરેપ પીડિતાની સુરક્ષા, જે હવે કેજીએમયુ લખનૌ ખાતે ગર્ભપાત કરાવ્યા બાદ તેના પરિવાર સાથે ઘરે શિટ કરવામાં આવી છે, તેની સુરક્ષા વધારી દેવામાં આવી છે. અધિકારીઓના જણાવ્યા અનુસાર, અયોયા ગેંગરેપ પીડિતા અને તેના પરિવારની સુરક્ષા સુનિશ્ર્ચિત કરવા માટે મહિલા કોન્સ્ટેબલ સહિત ૩૦ થી વધુ પોલીસ કર્મચારીઓને ચોવીસ કલાક તૈનાત કરવામાં આવ્યા છે.
૩૦ જુલાઈના રોજ અયોધ્યા પોલીસે જિલ્લાના પુરાકલંદર પોલીસ સ્ટેશન વિસ્તારના ભાદરસા નગરમાં બેકરીની દુકાન ચલાવતા મુઈદ ખાન અને તેના કર્મચારી રાજુ ખાનની ૧૨ વર્ષની બાળકી પર ગેંગરેપ કરવા બદલ ધરપકડ કરી હતી. પોલીસે જણાવ્યું કે મુઈદ અને રાજુ ખાને બે મહિના પહેલા સગીર પર બળાત્કાર કર્યો હતો અને આ કૃત્ય પણ નોંયું હતું. આ ઘટના ત્યારે સામે આવી જ્યારે તાજેતરની તબીબી તપાસમાં પીડિતા ગર્ભવતી હોવાનું બહાર આવ્યું.