અમદાવાદ, ભારતીય શરાફા બજારમાં આજે સોનાના ભાવમાં જબરદસ્ત મોટો કડાકો જોવા મળી રહ્યો છે. ચાંદી પણ સસ્તી થઈ છે. શુક્રવારે સાંજે ૨૪ કેરેટ શુદ્ધ સોનાનો ભાવ ૬૨૪૧૨ રૂપિયા પ્રતિ ૧૦ ગ્રામ હતો પરંતુ આજે કિંમતી ધાતુના ભાવ ગગડી ગયા છે. હાલ લગ્નગાળો ચાલુ હોવાથી એવા સમયે સોનાના ભાવમાં જબરદસ્ત કડાકો જોવા મળી રહ્યો છે. જો તમારે લગડી કે દાગીના લેવા હોય તો ફટાફટ લેટેસ્ટ રેટ ચેક કરી લો.
ઈન્ડિયા બુલિયન એન્ડ જ્વેલર્સ એસોસિએશનની અધિકૃત વેબસાઈટ મુજબ ૯૯૯ પ્યોરિટીવાળું ૧૦ ગ્રામ સોનું આજે ૮૨૦ રૂપિયા તૂટીને હાલ ૬૧૫૯૫ રૂપિયાની સપાટીએ જોવા મળી રહ્યું છે. જ્યારે ૯૧૬ પ્યોરિટીવાળું ૧૦ ગ્રામ ગોલ્ડ હાલ ૭૫૧ રૂપિયા ગગડીને ૫૬૪૨૧ રૂપિયાના સ્તરે છે. ચાંદીની વાત કરીએ તો હાલ ચાંદી પ્રતિ કિલો ૨૦૨૩ રૂપિયા ગગડીને ૭૧૬૮૮ રૂપિયાના સ્તરે છે. શુક્રવારે જ્યારે બજાર બંધ થયું ત્યારે ચાંદીના ભાવ ૭૩૭૧૧ રૂપિયા પ્રતિ કિલો હતા.