મુંબઇ, પ્રખ્યાત ઉદ્યોગપતિ મુકેશ અંબાણી અને નીતા અંબાણીના પુત્ર અનંત અંબાણી તુફાન છેલ્લા કેટલાક દિવસોથી ચર્ચામાં છે. અનંત અંબાણી અને રાધિકા મર્ચન્ટનું પ્રી-વેડિંગ સેલિબ્રેશન ભવ્ય હતું. પ્રી-વેડિંગ માટે અનેક હસ્તીઓ અને સેલિબ્રિટીઓ હાજર રહ્યા હતા. ઉપસ્થિત મહેમાનોએ અનંત અને રાધિકાને સુખી જીવનની શુભકામનાઓ પાઠવી પણ એક ભવ્ય ભેટ પણ આપી હતી.
અભિનેતા શાહરૂખ ખાન અને અભિનેતા સલમાન ખાને પણ અનંત અને રાધિકાને ભવ્ય ભેટ આપી છે. હાલમાં અનંત-રાધિકાને આપવામાં આવેલી શાનદાર ભેટને લઈને દરેક જગ્યાએ ખૂબ ચર્ચા થઈ રહી છે.
બહુ ઓછા લોકો જાણે છે કે અનંત અંબાણી શાહરૂખ ખાનને પોતાનો ‘ગોડફાધર’ માને છે. રાધિકા કિંગ ખાનને ‘અંકલ’ કહીને બોલાવે છે. રાધિકા અને અનંત સાથે શાહરૂખ ખાનનો એક વીડિયો સોશિયલ મીડિયા પર વાયરલ થયો હતો. શાહરૂખે નવા કપલને ન માત્ર શુભેચ્છા પાઠવી પરંતુ તેમને મોંઘી વસ્તુઓ પણ ભેટમાં આપી છે.
રિપોર્ટ્સ અનુસાર શાહરૂખે રાધિકા-અનંતને એક મોંઘી કાર મસડીઝ બેન્ઝ ૩૦૦ એલએલઆર ગિફ્ટ કરી છે. આ કારની કિંમત ૫ કરોડ રૂપિયા છે. અન્ય એક અહેવાલ મુજબ સલમાન ખાને અનંતને કસ્ટમાઈઝ્ડ ઘડિયાળ આપી છે અને રાધિકાને હીરાની બુટ્ટી છે.
અહેવાલો અનુસાર, કિયારા અડવાણીએ રાધિકા-અનંતને કંઈક ખાસ ભેટ આપી છે. કિયારાએ રાધિકા-અનંતને લક્ષ્મી-ગણેશની સોનાનો ઢોળ અને હીરા જડેલી મૂર્તિઓ ભેટમાં આપી છે. કેટરીના-વિકીએ નવા કપલને બ્રેસલેટ ગિફ્ટ કર્યું છે. દીપિકા-રણવીરે રાધિકા-અનંતને ૧ કરોડ રૂપિયાની ઘડિયાળ ભેટમાં આપી છે.
યોગાનુયોગ ઘણી હસ્તીઓએ અંબાણીની પાર્ટીઓમાં પરફોર્મ કરવા માટે મોટી રકમ લીધી છે. હોલીવુડ સિંગર રિહાનાએ પરફોર્મ કરવા માટે ૭૪ કરોડ રૂપિયા લીધા છે. જ્યારે દિલજીત દોસાંઝે ૪ કરોડ રૂપિયા લીધા હતા. અનંત-રાધિકાની પાર્ટીમાં શાહરૂખ ખાન, સલમાન ખાન અને આમિર ખાને પણ ડાન્સ કર્યો હતો. રાધિકા-અનંતની પ્રી-વેડિંગ સેલિબ્રેશન છેલ્લા કેટલાક દિવસોથી ટોક ઓફ ધ ટાઉન છે.