આણંદ,
આણંદમાં દારૂની મહેફિલ ઝડપાઇ છે. આણંદના ઉમેટા ખાતે દારૂની મહેફિલ પર રેડ કરાઈ હતી. અહીં ખેતરમાં દારૂની મહેફિલ જામી હતી, જેની પર પોલીસે રેડ પાડી હતી. પોલીસે દારૂની મહેફિલ માણતા ૧૪ લોકોને ઝડપી પાડ્યા છે. પોલીસે મોડી રાત્રે રેડ પાડી ઝડપાયેલા ૧૪ લોકો સામે કાર્યવાહી હાથ ધરી છે.
આંકલાવ પોલીસ દ્વારા વધુ એક મહેફિલ પર રેડ પાડવામાં આવી છે. આંકલાવ પોલીસે મોડી રાત્રે બાતમીના આધારે કાર્યવાહી હાથ ધરી હતી. પોલીસે ઉમેટા ખાતેના એક ખેતરમાં રેડ કરી હતી. રેડ દરમિયાન દારૂની મહેફિલ માણતા ૧૪ લોકો ઝડપાયા હતા. જે બાદ પોલીસે પકડાયેલા લોકો વિરુદ્ધ કાર્યવાહી હાથ ધરી છે. નોંધનીય છે કે, પોલીસ દ્વારા દારૂના વેચાણ અને દારૂ પાર્ટીઓ પર અવારનવાર તવાઇ બોલાવવામાં આવતી હોય છે, છતાં મોટા જથ્થામાં દારૂની હેરાફેરી અને મહેફિલો સામે આવતી હોય છે.
બીજી બાજુ, અમદાવાદથી વડોદરા જતાં ટ્રકમાંથી દારુનો જથ્થો મળી આવ્યો છે. ટ્રકમાં ચેકિંગ કરતાં ગાડીમાંથી દવાની આડમાં દારુનો જથ્થો મળી આવ્યો છે. બાતમીના આધારે એક્સપ્રેસ હાઈવે પર ચેકિંગ કરતાં ટ્રકમાંથી ભારતીય બનાવટની કુલ ૪ લાખથી વધુની કિંમતની ૧૬૬૮ બોટલો જપ્ત કરી હતી. ઉપરાંત દવાના બોક્સ સહિત કુલ ૭૨ લાખનો મુદ્દામાલ જપ્ત કરી, ટ્રક ચાલક તેમજ કન્ડકટરની અટકાયત કરી વધુ તપાસ હાથ ધરવામાં આવી છે.