પુણે, ચીફ ઑફ ડિફેન્સ સ્ટાફ (સીડીએસ) જનરલ અનિલ ચૌહાણે મંગળવારે પુણેમાં એનડીએની પાસિંગ આઉટ પરેડની સમીક્ષા કરી હતી. આ દરમિયાન, સરહદ પર ચીનની આક્રમક્તા સાથે યુરોપમાં યુદ્ધનો ઉલ્લેખ કરતા તેમણે કહ્યું કે અમે એવા સમયમાં છીએ જ્યાં વૈશ્ર્વિક સુરક્ષાની સ્થિતિ સારી નથી. ભારતની સશસ્ત્ર દળો પણ મોટા પરિવર્તનના માર્ગ પર છે.
એનડીએના ૧૪૪મા કોર્સની પાસિંગ આઉટ પરેડના અવસરે કેડેટ્સને સંબોધતા સીડીએસ જનરલ અનિલ ચૌહાણે કહ્યું કે ‘અમે લશ્કરી બાબતોમાં એક નવી ક્રાંતિના સાક્ષી છીએ, જે મોટાભાગે ટેક્નોલોજી પર આધારિત છે. ભારતની સેના પણ આગળ વધી રહી છે. એક મોટો ફેરફાર, સામૂહિકીકરણ, એકીકરણ અને થિયેટરાઇઝ્ડ કમાન્ડ્સની તૈયારી.’
ચીનની પીએલએ આર્મીનો ઉલ્લેખ કરતા ચૌહાણે કહ્યું કે આપણી ઉત્તરી સરહદો પર તેમની સતત તૈનાતી અને પડોશી દેશમાં રાજકીય અને આર્થિક ઉથલપાથલ એ ભારતીય સેના માટે એક અલગ પ્રકારનો પડકાર છે. આ રીતે સશસ્ત્ર દળો નિયંત્રણ રેખા પરના અમારા દાવાની કાયદેસરતા જાળવવા અને માત્ર અમારા નજીકના જ નહીં પરંતુ વિસ્તૃત પડોશમાં પણ શાંતિ અને સ્થિરતા જાળવવામાં રચનાત્મક ભૂમિકા ભજવવા માટે વિવશ છે.
સેનામાં થયેલા ફેરફારોનો ઉલ્લેખ કરતા સીડીએસે કહ્યું કે અમે સૈન્ય બાબતોમાં પણ એક પ્રકારની નવી ક્રાંતિના સાક્ષી છીએ. મોટાભાગની ક્રાંતિઓ ટેકનોલોજી સાથે સંબંધિત છે. ભારતની સશસ્ત્ર દળો પણ મોટા પરિવર્તનના માર્ગ પર છે. સીડીએસ ચૌહાણે આ વાતનો ઉલ્લેખ એવા સમયે કર્યો છે જ્યારે પૂર્વી લદ્દાખમાં ભારત અને ચીન વચ્ચે મડાગાંઠ ચાલી રહી છે.
પાસિંગ આઉટ પરેડને સંબોધિત કરતી વખતે સીડીએસ ચૌહાણે મહિલા અધિકારીઓને પણ અભિનંદન પાઠવ્યા હતા. તેમણે કહ્યું કે અમને ખુશી છે કે તમે દેશની રક્ષા માટે આ જવાબદારી નિભાવવાનો રસ્તો પસંદ કર્યો છે. તેમણે કહ્યું કે ‘પુરુષોના આ કિલ્લામાં ડેન્ટ બનાવવા માટે હું મહિલા કેડેટ્સને અભિનંદન આપું છું.’ સીડીએસ જનરલ અનિલ ચૌહાણે કહ્યું કે ‘મને ખુશી છે કે તમે રાષ્ટ્ર હિતની સુરક્ષા માટે તમારા પુરુષ ભાઈઓની સમાન જવાબદારી લીધી છે. નિર્ણય લીધો છે. સીડીએસ જનરલ અનિલ ચૌહાણે પુણેમાં એનડીએના ૧૪૪મા કોર્સની પાસિંગ આઉટ પરેડનું પણ નિરીક્ષણ કર્યું હતું.