અમદાવાદના 5 દિવસીય દીક્ષા મહોત્સવના આજે પાંચમાં દિવસે ( 22 એપ્રિલ) એક સાથે 35 દીક્ષાર્થીએ દીક્ષા લીધી છે. આ 35 મુમુક્ષુમાં 10 મુમુક્ષુ તો 18 વર્ષથી નીચેના છે. તો 500 કરોડ રૂપિયાની સંપત્તિ ધરાવતા ભાવેશભાઇ ભંડારી અને તેમના પત્નીએ પણ દીક્ષા લીધી છે. જ્યારે ભાવેશભાઇને દીક્ષાના મહાનાયક આચાર્ય યોગતિલકસુરેશ્વરજી મહારાજા દ્વારા રજોહરણ અર્પણ કરવામાં આવ્યું. તમામ 35 મુમુક્ષુને આચાર્ય ભગવંત દ્વારા રજોહરણ અર્પણ કર્યું, તમામ મુમુક્ષુના ચહેરા પર હરખની હેલી જોવા મળી હતી. દરેક મુમુક્ષુ રજોહરણ પ્રાપ્ત કરીને ઉત્સાહભેર નૃત્ય કરી રહ્યા હતા. દીક્ષાર્થીઓ દીક્ષા લઈને તેમના ગુરુ ભગવાન પાસેથી આશીર્વાદ મેળવીને પ્રદક્ષિણા કરી હતી. તમામ સાધુએ મુમુક્ષુને અક્ષતથી વધાવ્યાં હતાં. તમામ નૂતન દીક્ષાર્થીએ સાધુ અને સાધ્વી ભગવંતોના આશીર્વાદ લીધા હતા, ત્યારબાદ તેમના સયંમી નામકરણ થશે.
નૂતન દીક્ષાર્થીઓનો લોચ કાર્યક્રમ યોજાયો હતો. જેમાં વાળની એક લટ રાખવામાં આવે છે, જેને આચાર્ય ભગવંત ખેંચીને દૂર કરે છે. જેથી સાંસારિક મોહથી દૂર કરવામાં આવે છે. તમામ દીક્ષાર્થીઓએ દર્શનાર્થી અને સાંસારિક પરિવારને વંદન કર્યા હતાં. દીક્ષા સમારોહમાં અમદાવાદ શહેરના પ્રથમ નાગરિક મેયર પ્રતિભા જૈન ઉપરાંત નારણપુરાના ધારાસભ્ય જીતુ ભગત પણ દર્શનાર્થે પહોંચ્યા હતાં. તમામ દીક્ષાર્થીઓ ગુરૂ ભગવંતોને ખમાસણ આપ્યા હતા. તમામ 35 દીક્ષાર્થીની વડી દીક્ષા સમારોહ આગામી 9 જૂન, 2024ના રોજ જેઠ સુદ ત્રીજના દિવસે અમદાવાદમાં યોજાશે.
| ક્રમ | મુમુક્ષુરત્નનું નામ | ઉંમર | મૂળવતન | હાલ | અભ્યાસ |
| 1 | સંજયભાઈ માણિકચંદ સાદરિયા | 56 | પિંડવાડા | સુરત | – |
| 2 | જશવંતભાઈ શાંતિલાલ શાહ | 56 | ધનારી (રા.જ.) | મુંબઈ | ધો. 11 |
| 3 | મુકેશભાઈ શાંતિલાલ શાહ | 52 | ધનારી (રા.જ.) | અમદાવાદ | બી. કોમ. |
| 4 | જગદીશભાઈ મહાસુખલાલ શાહ | 49 | રામપુરા (ભોરોલ) | સુરત | ધો.8 |
| 5 | ભાવેશભાઈ ગીરીશભાઈ ભંડારી | 46 | હિંમતનગર | અમદાવાદ | – |
| 6 | દેવેશકુમારી નંદિષેણભાઈ રાતડિયા | 25 | કુવાળા | સુરત | સેકન્ડ યર બિ. કોમ. અને સી.એ. ઈન્ટરમિડિએટ |
| 7 | ભવ્યકુમાર મહેન્દ્રકુમારી સિસોદીયા | 25 | દાંતરાઈ | સુરત | બી. કોમ. |
| 8 | તીર્થકુમાર તરુણભાઈ જૈન | 24 | નાંદિયા (રા.જ.) | અમદાવાદ | બી. કોમ. |
| 9 | વિદીતકુમાર સુમેરમલજી મેહતા | 23 | હાડેચાનગર | મુંબઈ | – |
| 10 | સંવેગકુમાર સમીરભાઈ શાહ | 21 | પિંડવાડા | અમદાવાદ | અન્જિનીયરિંગ થર્ડ યર ડ્રોપઆઉચ |
| 11 | હિતકુમાર મુકેશભાઈ શાહ | 18 | ધનારી(રાજ.) | અમદાવાદ | |
| 12 | હિતજ્ઞ કુમાર શ્રેયાંશભાઈ સંઘવી | 14 | ભાભર | મુંબઈ | |
| 13 | હેતકુમાર મયુરભાઈ શાહ | 13 | સુરત | સુરત | ધો. 6 |
| 14 | માન્યકુમાર વિજયભાઈ શાહ | 12 સાંચોરતીર્થ | મુંબઈ | ધો. 5 | |
| 15 | હેતકુંવર કમલેશભાઈ મુજપુરા | 11 | ભાભર | ભાભર | ધો. 5 |
| 16 | દીપિકાબેન જશવંતભાઈ શાહ | 52 | ધનારી(રાજ.) | મુંબઈ | ધો. 12 |
| 17 | બીનાબેન સંજયભાઈ સાદરીયા | 52 પંડવાડા | સુરત | ||
| 18 | શિલ્પાબેન જગદીશભાઈ શાહ | 47 રામપુરા(ભોરોલ) | સુરત | ધો. 6 | |
| 19 | મોનિકાબેન મુકેશભાઈ શાહ | 45 | ધનારી(રાજ.) | અમદાવાદ | બીએ |
| 20 | જિનલબેન ભાવેશભાઈ ભંડારી | 43 | હિંમતનગર | અમદાવાદ | |
| 21 | હીનલકુમારી સંજયભાઈ જૈન | 26 | શિવગંજ | મુંબઈ | માસ્ટર ઈન ડિજિટલ માર્કેટિંગ |
| 22 | રચિકુમારી મહેન્દ્રભાઈ અંગારા | 25 | શિવગંજ | મુંબઈ | થર્ડ યર બી.એ.એફ |
| 23 | ક્રિષાકુમારી મુકેશભાઈ શાહ | 22 | ઘમારી (રાજસ્થાન) | અમદાવાદ | ડિપ્લોમા ઈન ઈન્ટિરિયર એન્ડ ગ્રાફિક્સ ડિઝાઈનિંગ |
| 24 | રિદ્ધિકુમારી નિમિષભાઈ શાહ | 21 | બોટાદ | મુંબઈ | ઘો. 12 |
| 25 | યશ્વીકુમારી કિશોરકુમાર કંકુચોપડા | 21 | ગઢસિવાના | સુરત | NA |
| 26 | મોક્ષાકુમારી અરુણભાઈ પાલગોતા | 20 | ખંડપ | હાલોલ | – |
| 27 | દિશિતાકુમારી શૈલેન્દ્રભાઈ સંકલેચા | 20 | અક્કલકુઆ (મહારાષ્ટ્ર) | રાયપુર | બી.એ સાઈકોલોજી (પહેલું વર્ષ) |
| 28 | ઝીલકુમારી જગદીશભાઈ શાહ | 19 | રામપુરા (ભોરોલ) | સુરત | ધો. 10 |
| 29 | હીરકુમારી વિકેશભાઈ કંકુચોપડા | 18 | ગઢસિવાના | સુરત | ધો. 10 |
| 30 | અર્પિતાકુમારી અરુણભાઈ પાલગોતા | 17 | ખંડપ | હાલોલ | |
| 31 | સંયમીકુમારી કમલેશભાઈ મુજપુરા | 17 | ભાભર | ભાભર | ધો. 10 |
| 32 | ક્રિશીકુમારી કિશોરકુમાર કંકુચોપડા | 16 | ગઢસિવાના | સુરત | – |
| 33 | જૈનીકુમારી ગૌતમકુમાર કોઠારી | 16 | નાગફણા | હોલોલ | ધો. 10 |
| 34 | ખ્યાતિકુમારી સમીરભાઈ શાહ | 15 | પિંડવાડા | અમદાવાદ | ધો. 8 |
| 35 | વૈરાગીકુમારી અલ્પેશભાઈ મુજપુરા | 15 | ભાભર | સુરત | ધો. 6 |
વર્ષ 2021માં સુરતમાં એકસાથે 75 મુમુક્ષુએ દીક્ષા લીધી હતી. એ વખતે સમગ્ર ખર્ચ ભાવેશભાઇએ પોતાના ખભે ઉઠાવ્યો હતો. તદુપરાંત એ વખતે જે સ્થળ પર સમગ્ર કાર્યક્રમનું આયોજન કરવામાં આવ્યું હતું. એના મુખ્ય પ્રવેશ દ્વારા પર પોતાના નામની તકતી લગાવવા માટે તેમણે ખૂબ જ મોટી રકમ પણ આપી હતી. સંતાનોએ ભક્તિનો માર્ગ પકડ્યા બાદ હવે બંને પતિ-પત્નીએ પણ દીક્ષા લઇ સંયમનો માર્ગ અપનાવ્યો છે. ત્યારે 500 કરોડ નેટવર્થ ધરાવતા પરિવારના સાંસારિક ઘર પર હંમેશાં માટે તાળાં લાગી જશે. ભાવેશભાઇની આટલી મોટી સંપત્તિમાંથી મોટા ભાગની સંપત્તિ સેવાના કાર્ય માટે દાન આપવામાં આવશે.
તો બીજી તરફ સુરતના 12 મુમુક્ષુએ દીક્ષા લીધી છે. જેમાંથી એક સુરતનો 25 વર્ષીય યુવક છે. આ યુવક CA ઇન્ટરમીડિયેટ અને ગાયક-સંગીતકાર છે. આ યુવક તેનું સાંસારિક જીવન છોડીને સંયમના માર્ગ તરફ પ્રયાણ કર્યો છે. સુરતમાં રહેતા 25 વર્ષીય દેવેશ રાતડિયાની વાત કરવામાં આવે તો સુરતના અઠવાલાઇન્સ વિસ્તારમાં સંયુક્ત પરિવાર સાથે રહે છે. પરિવારમાં માતા-પિતા, એક બહેન, કાકા-કાકી અને તેના બે ભાઈ સાથે વૈભવી જીનવ અત્યારસુધી વિતાવી રહ્યો હતો.
દેવેશ રાતડિયાએ ધોરણ 12 કોમર્સમાં ઉત્તીર્ણ થયા બાદ B.Com.નાં બે વર્ષ કર્યા હતા. આ સાથે તે સીએની પણ પ્રેક્ટિસ કરતો હતો. સીએ ઇન્ટરમીડિયેટ સુધીની પરીક્ષા પણ તેણે પાસ કરી દીધી હતી. આ બધાની વચ્ચે તેને ક્યારેય અભ્યાસમાં હોશિયાર હોવા છતાં મન લાગતું ન હતું. પોતાના સમાજના ધાર્મિક પ્રવચનો અને ધર્મગુરુઓના કાર્યક્રમો વધુ આકર્ષિત કરતા હતા. અભ્યાસની સાથે દેવેશ ક્લાસિકલ સંગીત પણ શીખી રહ્યો હતો. અને તેણે સાત વર્ષ સંગીતનો અભ્યાસ કર્યો હતો. આ સંગીતની અંતિમ વિશારદની પરીક્ષા આપ્યા વગર સંગીત પણ છોડી દીધું હતું. આ સમય દરમિયાન તેની ઉંમર 20 વર્ષની હતી.