અમદાવાદ,અમદાવાદ શહેરમાં મોડી રાત્રે ગોઝારો અકસ્માત સર્જાતા રહી ગયો હતો. જોધપુર સ્ટાર બજારની સામે એએમટીએસની બ્રેક ફેલ જતાં બસ બેકાબૂ બનતાં એકીસાથે ૮ વાહનોને અડફેટે લીધાં હતા. જેમાં ૪ થી ૫ લોકોને ઈજા થવા પામી છે. પોલીસે ઘટનાસ્થળે પહોંચી તપાસ હાથ ધરી છે.
અમદાવાદ જોધપુર ચાર રસ્તા પાસે ગમખ્વાર અકસ્માત સર્જાતા રહી ગયો હતો.એએમટીએસની બ્રેક ફેલ જવાથી ૮ જેટલાં વાહનોને અડફેટે લીધા હતા, સદનસીબથી કોઈ જાનહાનિ થવા પામી નથી અને મોટી દુર્ઘટના સર્જાતા રહી ગઈ છે. બસે કાર, રિક્ષા સહિતના વાહનોને અડફેટે લેતા વાહનોનો કચ્છરઘાણી નીકળી ગયો હતો. ડ્રાઈવરે બસને દીવાલે અથડાવતાં બસ ઊભી રહી ગઈ હતી.
સૂત્રો મુજબ, ઘાયલ લોકોને હોસ્પિટલમાં સારવાર હેઠળ રાખવામાં આવ્યા છે. અકસ્માત સર્જાતા ભારે ટ્રાફિકજામ થઈ ગયો હતો. ૧૫૧/૩ બસ હાટકેશ્ર્વર થી ઘૂમા જતી હતી. પોલીસની ટીમ ઘટનાસ્થળે પહોંચી વધુ કાર્યવાહી હાથ ધરી છે. તેમજ ગુનો નોંધી તપાસ શરૂ કરી છે.