અમદાવાદ એરપોર્ટે પરથી એનસીબીની ટીમે એક વિદેશી મહિલા ડ્રગ્સ હેરાફેરી કરતી ઝડપી લીધી છે. જેમાં ૨.૧૨ કિલો હેરોઇનના જથ્થા સાથે ફિલિપાઇન્સની મહિલાની ધરપકડ કરવામાં આવી છે. જેને પગલે આંતરરાષ્ટ્રીય ડ્રગ્સ ની હેરાફેરી કનેક્શન ખુલતા એનસીબીએ મહિલાની પૂછપરછ શરૂ કરી છે. ૪૧ વર્ષીય ફિલિપાઇન્સની મહિલા જીનાલીન પડીવાન લીમોનની હેરોઇનના જથ્થા સાથે એરપોર્ટ પરથી ધરપકડ કરવામાં આવી હતી. એનસીબી ની ટીમને માહિતી મલી હતી કે વિદેશમાંથી ડ્રગ્સની હેરાફેરી માટે એક મહિલા અમદાવાદ ઈન્ટરનેશનલ એરપોર્ટ પર આવી રહી છે.
જેને લઈને એનસીબીની ટીમે એરપોર્ટ પરથી મહિલાની અટકાયત કરી હતી. તપાસ કરતા સ્કૂલ બેંગમાં હેરોઇનનો જથ્થો છુપાવેલો હતો. તપાસમાં સ્કૂલ બેંગમાંથી જે ૨.૧૨૧ કિલો હેરોઇન મળ્યું હતું. જેની કુલ કિંમત ૧૫ કરોડની થવા જાય છે.વિદેશી મહિલા અમદાવાદ એરપોર્ટ પહોંચી હતી. જોકે વિદેશી મહિલા ડ્રગ્સ કેરિયર તરીકે કામ કરી રહી છે અને વિદેશથી ડ્રગ્સ ભારતમાં ઘુસાડવા માટે એક ટ્રીપના ૫ હજાર ડોલર મળતા હોવાનું પુછપરછમાં બહાર આવ્યું છે.
વધુ તપાસમાં આ વિદેશી મહિલા અત્યાર સુધી ૩ વખત ભારત ડ્રગ્સની ડિલિવરી કરવા આવી હોવાનું સામે આવ્યું છે. જેમાં અગાઉ ટ્રાવેલ્સ હિસ્ટ્રી જોતા વર્ષ ૨૦૨૨ માં એપ્રિલ અને જૂન મહિનામાં દિલ્હી આવી હતી. ત્યારે પણ ડ્રગ્સ ડિલિવર કર્યું હોઇ શકે છે. ત્યારે વિદેશી મહિલા ટુર એન્ડ ટ્રાવેલ્સ તેમજ કોસ્મેટિક્સ વસ્તુઓનો ધંધાના બહાને ડ્રગ્સની હેરાફેરી કરતી હોવાનું પ્રાથમિક તપાસમાં જણાયું છે. ઝડપાયેલ મહિલાને ૩ બાળકો છે અને પતિ સાથે છૂટાછેડા થયા હોવાથી એકલી રહે છે. પણ ડ્રગ્સ માફિયાના સંપર્કમાં આવી ગઈ હોવાથી ડ્રગ્સની હેરાફેરી કરી રહી હોવાનું કબૂલાત કરી હતી જોકે ભારતમાં ડ્રગ્સની ડિલિવરી કરવાની વિદેશમાંં બેઠેલા ડ્રગ્સ માફિયા ફોનમાં સૂચના મળ્યા બાદ આપવાનું હતું. જોકે ડ્રગ્સ કોઈ પાસે પહોંચે તે પહેલાં જ એનસીબી ટીમે હેરોઇનનાં જથ્થા સાથે મહિલાની ધરપકડ કરી એક દિવસના રિમાન્ડ મેળવી વધુ તપાસ શરૂ કરી છે.
ગુજરાતમાં ફરી એક વખત આંતરરાષ્ટ્રીય ડ્રગ્સ માફિયા ડ્રગ્સ એરપોર્ટથી ડ્રગ્સ ઘુસાડી રહ્યાં છે. ત્યારે આ મહિલાએ અત્યાર સુધી કેટલી વખત ડ્રગ્સની હેરાફેરી કરી અને ડ્રગ્સ પહોંચાડ્યું છે જેને લઇ વધુ તપાસ શરૂ કરી છે.