કાબુલ, અફઘાનિસ્તાનના ફૈઝાબાદમાં રવિવારે મોડી રાત્રે ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા ૪.૪ હતી. નેશનલ સેન્ટર ફોર સિસ્મોલોજી અનુસાર, લગભગ ૧૨.૧૦ વાગ્યે આવેલા ભૂકંપનું કેન્દ્ર ફૈઝાબાદથી ૯૩ કિમી દક્ષિણપૂર્વમાં હતું.
હકીક્તમાં, નેશનલ સેન્ટર ફોર સિસ્મોલોજી અનુસાર, ભૂકંપની ઊંડાઈ ૧૮૦ કિમી હતી. તે જ સમયે, ભૂકંપ બાદ લોકો ગભરાટમાં છે. જો કે હાલમાં કોઈ જાન-માલના નુક્સાનની માહિતી નથી.
નેશનલ સેન્ટર ફોર સિસ્મોલોજી અનુસાર, અગાઉ ૨૯ જૂને અફઘાનિસ્તાનમાં ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા ૪.૧ માપવામાં આવી હતી. આ ભૂકંપ સાંજે લગભગ ૫.૫ મિનિટે આવ્યો હતો. જ્યારે તેનું કેન્દ્ર ફૈઝાબાદનો પૂર્વ દક્ષિણપૂર્વ વિસ્તાર હતો.
આ દરમિયાન જાનમાલના નુક્સાનની પણ કોઈ માહિતી પ્રાપ્ત થઈ નથી. જણાવી દઈએ કે ૨૯ પહેલા ૨૬ જૂને પણ ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા ૪.૨ હતી. હકીક્તમાં, અફઘાનિસ્તાનમાં વારંવાર ભૂકંપના આંચકા અનુભવાઈ રહ્યા છે, જેના કારણે લોકોમાં ભયનો માહોલ છે. જોકે રાહતની વાત એ છે કે ભૂકંપની તીવ્રતા ૪.૩ની આસપાસ છે. એટલા માટે અત્યારે કોઈ મોટું નુક્સાન થયું નથી.
તમને જણાવી દઈએ કે ૨૨ માર્ચે અફઘાનિસ્તાનમાં ૬.૮ની તીવ્રતાનો ખૂબ જ જોરદાર ભૂકંપ આવ્યો હતો, જેમાં મોટું નુક્સાન થયું હતું. આ ભૂકંપના કારણે અફઘાનિસ્તાન અને પાકિસ્તાનમાં ઓછામાં ઓછા ૧૨ લોકોના મોત થયા છે. તેમજ ૨૫૦ જેટલા લોકો ઘાયલ થયા હતા.