મુંબઈ બીએમડબ્લ્યુ હિટ એન્ડ રન કેસમાં દરરોજ નવા પાસાઓ સામે આવી રહ્યા છે. કેસની સત્યતા બહાર લાવવા પોલીસે ૨૩ વર્ષીય આરોપી મિહિર શાહ અને તેના ડ્રાઈવર રાજૠષિ બિદાવતને સામસામે બેસાડીને પૂછપરછ કરી હતી. આ દરમિયાન બંનેએ પોતાનો ગુનો કબૂલી લીધો હતો. શાહે કબૂલાત કરી હતી કે ટુ-વ્હીલર અથડાયા બાદ તેણે તેના ડ્રાઇવર સાથે સીટ બદલી હતી. આટલું જ નહીં, પોલીસે આરોપીઓની હાજરીમાં ઘટનાસ્થળે સમગ્ર અકસ્માતનું નાટકીયકરણ કર્યું હતું.
મિહિર શાહ અને તેના ડ્રાઈવર બિદાવતે દાવો કર્યો હતો કે તેઓ જાણતા ન હતા કે મહિલા ટુ-વ્હીલર સાથે અથડાયા બાદ કારની નીચે ફસાઈ ગઈ હતી. બંનેએ પોતાનો ગુનો કબૂલી લીધો હોવાનું પોલીસ સૂત્રોએ જણાવ્યું હતું. તે જ સમયે, શાહે અફસોસ વ્યક્ત કર્યો અને કહ્યું કે તેણે જે કર્યું તેના માટે તે પસ્તાવો કરી રહ્યો છે.
તમને જણાવી દઈએ કે મુંબઈના વરલી વિસ્તારમાં કાવેરી નાખ્વા નામની મહિલાને એક ઝડપે આવતી બીએમડબ્લ્યુ કારે કચડી નાખી હતી. કાર મહિલાને લગભગ બે કિલોમીટર સુધી ખેંચી ગઈ. આ અકસ્માતમાં તેના પતિ પ્રદીપ નાખ્વાને પણ ઈજા થઈ હતી. અકસ્માત બાદ મિહિર બે દિવસથી વધુ સમયથી ગુમ હતો. તે જ મ્સ્ઉ કારમાં બાંદ્રાના કાલા નગર વિસ્તારમાં ગયો હતો.
પોલીસે મિહિરના ડ્રાઈવર રાજૠષિ બિદાવતની પણ ધરપકડ કરી હતી, જે કારમાં સવારી દરમિયાન તેની સાથે હતો. બાદમાં મિહિરે તેના પિતા રાજેશ શાહને ફોન કરીને ઘટનાની જાણ કરી હતી. આ પછી, રાજેશ તેના પુત્રને શહેર છોડવા માટે કહે છે અને તેને કહે છે કે રાજૠષિ અકસ્માતની જવાબદારી લેશે. પિતા સાથે વાત કર્યા બાદ મિહિર અહીં-તહીં સંતાવા લાગ્યો.
આ સમગ્ર ઘટના પહેલા મિહિર શાહ અને તેના મિત્રો શનિવારે રાત્રે એક બારમાં ગયા હતા. આબકારી વિભાગના અધિકારીએ અગાઉ જણાવ્યું હતું કે બાર સ્ટાફે મિહિરને દારૂ આપ્યો હતો. બાર મેનેજમેન્ટે શાહ પર નકલી ઓળખ કાર્ડ બતાવવાનો આરોપ લગાવ્યો છે.