નવીદિલ્હી, દિલ્હી, પંજાબ, હરિયાણા, ગુજરાત, ગોવા, આસામ સહિત અન્ય ઘણા રાજ્યોમાં ઉમેદવારો ઉભા કર્યા પછી, આમ આદમી પાર્ટીએ ઓડિશામાં પણ લોક્સભા ચૂંટણી લડવાનો સંકેત આપ્યો છે. દિલ્હી સરકારના મંત્રી સૌરભ ભારદ્વાજે જણાવ્યું હતું કે સીએમ અરવિંદ કેજરીવાલે મને ઓડિશાની સ્થિતિનો અભ્યાસ કરવા કહ્યું છે. તેમણે કહ્યું કે પાર્ટી ઓડિશામાં લોક્સભા અને વિધાનસભાની ચૂંટણી લડવા માંગે છે. લોક્સભાના ઉમેદવારો બહુ જલ્દી જાહેર કરવામાં આવશે.
એક પ્રશ્ર્નના જવાબમાં તેમણે કહ્યું, ઓડિશામાં રાજકીય પરિસ્થિતિ ખૂબ જ ઝડપથી બદલાઈ રહી છે. શાસક પક્ષ બીજુ જનતા દળ મુખ્ય વિપક્ષી પાર્ટી ભાજપ સાથે ગઠબંધનમાં છે. રાજકીય દૃષ્ટિકોણથી આ ખૂબ જ વિચિત્ર સ્થિતિ છે. બીજેડી -ભાજપ અહીં છે. પરંતુ આ એક અકુદરતી ગઠબંધન છે. બીજેડી શા માટે ભાજપ સાથે ગઠબંધન કરી રહ્યું છે તે કોઈ પચાવી શક્તું નથી. આ રાજકીય પરિસ્થિતિને ધ્યાનમાં રાખીને, આમ આદમી પાર્ટીના રાષ્ટ્રીય સંયોજક અરવિંદ કેજરીવાલે મને અને ઓડિશાના પ્રભારીને મોકલ્યા.
સૌરભ ભારદ્વાજે કહ્યું, અમે સમજીએ છીએ કે ઓડિશામાં સ્થિતિ ખૂબ જ ઝડપથી બદલાઈ રહી છે. તેથી અમારી પાર્ટીએ અહીંથી ચૂંટણી લડવાનો નિર્ણય કર્યો છે. આપને જણાવી દઈએ કે આમ આદમી પાર્ટી કોંગ્રેસ સાથે ગઠબંધન કરીને દિલ્હી, હરિયાણા, ગુજરાત અને ગોવામાં લોક્સભા ચૂંટણી લડી રહી છે. આ સિવાય તેઓ પંજાબમાં ચૂંટણી મેદાનમાં એકલા છે. પંજાબમાં આપની મુખ્ય સ્પર્ધા કોંગ્રેસ સાથે છે. પંજાબમાં ભાજપની સ્થિતિ નબળી છે.
દિલ્હી વિધાનસભામાં સીએમ અરવિંદ કેજરીવાલે ભાજપને વિનાશક મોડલવાળી પાર્ટી ગણાવી હતી. જ્યારે આમ આદમી પાર્ટીને વિકાસની પાર્ટી ગણાવી હતી. ભાજપ પર નિશાન સાધતા તેમણે કહ્યું હતું કે જો તેમના નેતાઓ પાસે રસ્તો હશે તો તેઓ ઇડીના લોકોને ભગવાન રામ પાસે મોકલશે અને તેમને જેલમાં મોકલી દેશે.