આમ આદમી પાર્ટીના નેતા અને દિલ્હીના શિક્ષણ મંત્રી આતિશીએ ફરી એકવાર ભાજપ પર પ્રહારો કર્યા છે. તેમણે કહ્યું કે ભાજપે વિચાર્યું હતું કે આપ નેતાઓને જેલમાં નાખીને દિલ્હી સરકારની ગતિવિધિઓ બંધ થઈ જશે, પરંતુ તેમના તમામ પ્રયાસો છતાં અરવિંદ કેજરીવાલની સરકારની ગતિવિધિઓ સતત ચાલી રહી છે. આતિશીએ આરોપ લગાવ્યો કે ભાજપે અરવિંદ કેજરીવાલ, મનીષ સિસોદિયા, સંજય સિંહ અને સત્યેન્દ્ર જૈનની ધરપકડ કરી, પરંતુ તેઓ દિલ્હીની શિક્ષણ, સ્વાસ્થ્ય ક્રાંતિ, નવા લાયઓવર અને મોહલ્લા ક્લિનિક્સ જેવી યોજનાઓને રોકવામાં નિષ્ફળ રહ્યા.
દિલ્હીના શાહદરા વિધાનસભા ક્ષેત્રમાં એક શાળામાં નવા શૈક્ષણિક બ્લોકના ઉદ્ઘાટન પ્રસંગે આતિશીએ આ વાત કહી. તેમણે આજે જૂની સીમાપુરીમાં બે નવા એકેડેમિક બ્લોકનું ઉદ્ઘાટન કર્યું, જેમાં ૭૬ નવા રૂમ, એક પુસ્તકાલય, નવ પ્રયોગશાળાઓ, બે મુખ્ય રૂમ અને એક લિટનો સમાવેશ થાય છે. ભાજપની ટીકા કરતા આતિશીએ કહ્યું કે આમ આદમી પાર્ટી ભાજપના હુમલાઓનો જવાબ શાળાઓ, મોહલ્લા ક્લિનિક અને નવા રસ્તાઓ દ્વારા આપે છે.
તેમણે ભાજપને સવાલ કર્યો કે ગોવામાં કોંગ્રેસ પાસે બહુમતી હોવા છતાં ભાજપે ધારાસભ્યોને હટાવીને સરકાર કેવી રીતે બનાવી? કર્ણાટક, મણિપુર, અરુણાચલ પ્રદેશ, નાગાલેન્ડ, મયપ્રદેશ અને મહારાષ્ટ્રમાં શું થયું આતિશીએ પણ કહ્યું કે દિલ્હી સ્ઝ્રડ્ઢમાં આ પહેલીવાર નથી જ્યારે ચૂંટણીને ગેરકાયદેસર રીતે પ્રભાવિત કરવાનો પ્રયાસ કરવામાં આવ્યો. મેયરની ચૂંટણી વખતે પણ આવો જ પ્રયાસ કરવામાં આવ્યો હતો, જે સુપ્રીમ કોર્ટના આદેશ પર પૂર્ણ થયો હતો.
આતિશીએ કહ્યું કે ભાજપ પાસે લોકશાહીને નબળો પાડવાનો ડીએનએ છે, પરંતુ તેઓ ગમે તેટલા પ્રયત્નો કરે, તેઓ લોકશાહી અને બંધારણને નષ્ટ કરી શક્તા નથી. જ્યારે રાહુલ ગાંધીએ હરિયાણામાં ગઠબંધન અંગે કોંગ્રેસના નેતાઓ પાસેથી અભિપ્રાય માંગ્યો તો તેમણે કહ્યું કે કોંગ્રેસના નેતાઓ જવાબ આપશે. ગઠબંધન અંગેનો નિર્ણય અરવિંદ કેજરીવાલ બહાર આવશે ત્યારે લેવામાં આવશે. દિલ્હીમાં મહિલાઓની અસુરક્ષા અંગે આતિશીએ કહ્યું કે દિલ્હી પોલીસની નિષ્ફળતાને કારણે મહિલાઓ દરેક જગ્યાએ અસુરક્ષિત અનુભવી રહી છે. તેમણે ભાજપ અને આપ બંનેને દિલ્હીની મહિલાઓને સુરક્ષા આપવા, કાયદો અને વ્યવસ્થા સુધારવા અને પોલીસ વ્યવસ્થામાં સુધારો કરવા અપીલ કરી હતી.