નવીદિલ્હી,
વેસ્ટ ઈન્ડિઝનો ક્રિકેટર આન્દ્રે રસૈલ બોલરોની ધોલાઈ કરવા માટે જાણીતો છે. આ બાહુબલી બેટર આઈપીએલમાં ફરીથી આવી રહ્યો છે જેની આતૂરતાથી રાહ પણ જોવાઈ રહી છે પરંતુ રસેલ ટૂર્નામેન્ટ શરૂ થતાં પહેલાં જ તમામ પ્રકારની હદ વટાવી ચૂક્યો છે. એક વોર્ડરોબ સેક્શનમાં તેણે ન્યુડ (કપડાં કાઢી નાખવા) થઈને સેલ્ફી લીધી અને પછી ઈન્સ્ટાગ્રામ સ્ટોરી અપડેટ કરી દીધી હતી.
આ ઉપરાંત આંદ્રે રસૈલે પોતાની ઈન્સ્ટા ફીડમાં પણ એક ફોટો અપલોડ કર્યો હતો જેમાં સિક્સ પૈક એબ્સ સ્પૉટલાઈટ થઈ રહ્યા છે. રસૈલે કેપ્શન આપ્યું છે કે, કરો વધુ, બોલો ઓછું…
આ પહેલાં બોલિવૂડ સ્ટાર રણવીર સિંહે પણ પોતાની આવી જ એક ન્યુડ તસવીર પોસ્ટ કરી હતી. દેશમાં હોબાળો મચી જતાં પોલીસ મથકે પણ જવું પડ્યું હતું અને મામલો રફેદફે કરવા માટે તેણે ફોટો મોર્ફ્ડ (છેડછાડ કરેલી) હોવાનું બહાનુ પણ આગળ ધર્યું હતું. હવે ચાહકો રસેલની તુલના રણવીરસિંહ સાથે કરી રહ્યા છે અને અમુક લોકો બબાલ પણ કરી રહ્યા છે.