મુંબઇ, કોમેડિયન કપિલ શર્મા કમબેક કરવા માટે તૈયાર છે. તે ફરી એકવાર પોતાનો શો લઈને આવી રહ્યો છે. હા, પરંતુ આ વખતે તેનો શો ટીવી પર નહીં પરંતુ ઓટીટી પ્લેટફોર્મ પર પ્રસારિત થશે. ચાલો તમને જણાવીએ કે આ શો ક્યારે અને કયા ઓટીટી પ્લેટફોર્મ પર સ્ટ્રીમ થશે. આ સાથે અમે તમને આ શોમાં આવનાર પ્રથમ ગેસ્ટનું નામ પણ જણાવીએ છીએ.
રિપોર્ટ અનુસાર, આમિર ખાન ’ધ ગ્રેટ ઈન્ડિયન કપિલ શો’ના પહેલા એપિસોડમાં જોવા મળશે. શોની નજીકના એક સૂત્રએ જણાવ્યું કે, આમિર ખાન આજ સુધી ક્યારેય કપિલ શર્માના શોમાં આવ્યો નથી. આ પહેલીવાર હશે જયારે તે કપિલના શોમાં જોવા મળશે. શું એડ શીરાન પણ હાજરી આપશે ? તાજેતરમાં અંગ્રેજી ગાયક-ગીતકાર એડ શીરાન ભારતની મુલાકાતે આવ્યા હતા. ભારતની મુલાકાત દરમિયાન તે કપિલ શર્માને પણ મળ્યો હતો. જયારે સેકાપિલે એડ શીરન સાથે સોશિયલ મીડિયા પર એક પોસ્ટ શેર કરી, ત્યારે લોકો વિચારી રહ્યા છે કે એડ શીરાન ’ધ ગ્રેટ ઈન્ડિયન કપિલ શો’માં જોવા મળશે. જો કે હજુ સુધી આ વાતની સત્તાવાર પુષ્ટિ થઈ નથી.
’ધ ગ્રેટ ઈન્ડિયન કપિલ શો’૩૦ માર્ચથી ઓટીટી પ્લેટફોર્મ નેટફિલક્સ પર સ્ટ્રીમ થશે. શોનો નવો એપિસોડ દર શનિવારે આવશે. આ વખતે શોમાં કપિલ શર્માની સાથે કૃષ્ણા અભિષેક, રાજીવ ઠાકુર, અર્ચના પુરણ સિંહ અને સુનીલ ગ્રોવર પણ જોવા મળશે.