- માઉન્ટ આબુમાં ધોધમાર વરસાદ
- વરસાદને કારણે નદીઓ ગાંડીતુર
- ઘંટોળી થી મોરથલા પુલને નુકસાન
ગુજરાતમાં વરસાદે ધડબડાટી બોલાવી જ દીધી છે પરંતુ રાજસ્થાનમાં કંઇ ઓછુ નથી આવવા દીધું. જી, હા રાજસ્થાનના માઉન્ટ આબુમાં તો વરસાદ એવો વરસ્યો કે આખુ શહેર બેટમાં ફેરવાઇ ગયું.તો બીજી તરફ બનાસકાંઠાના પણ વરસાદી માહોલ જામતા ખેડૂતોના પાકને જીવતદાન મળ્યું હતું.
ભારે વરસાદને કારણે ડેમો તથા નદીઓમાં નવા નીરની આવક થવા પામી હતી.
માઉન્ટ આબુ બેટમાં ફેરવાયું
રાજસ્થાનના માઉન્ટ આબુમાં ધોધમાર વરસાદને કારણે આખુ શહેર બેટમાં ફેરવાયું.. આબુરોડમાં ભારે વરસાદને કારણે નદીઓ ગાંડી તુર બની છે.. પરિણામે આબુરોડમાં ઘંટોળીથી મોરથલા પુલને ભારે નુકસાન થયુ છે.. ભારે વરસાદને કારણે રોડ રસ્તાઓ જાણે બેટમાં ફેરવાઈ ગયા છે.. નીચાણવાળા મકાનોમાં બે થી ત્રણ ફૂટ જેટલા પાણી ભરાતા ઘરવખરીને ભારે નુકસાન થયું છે.