પૂર્વ ભારતીય કેપ્ટન સુનીલ ગાવસ્કર ભારતીય ટીમના કેપ્ટન રોહિત શર્મા પર ગુસ્સે છે. લિટલ માસ્ટર સુનીલ ગાવસ્કરે ભારતીય કેપ્ટન રોહિત શર્માને લઈને પોતાના વિસ્ફોટક નિવેદનથી હલચલ મચાવી દીધી છે. સુનિલ ગાવસ્કરે કેમ અચાનક કેપ્ટન રોહિત શર્મા પ્રત્યે ગુસ્સો વ્યક્ત કર્યો, જો તેની પાછળનું કારણ જાણીએ તો ફેન્સ પણ ચોંકી જશે. રવિવારે 8 ઓક્ટોબરે ચેન્નાઈમાં ઓસ્ટ્રેલિયા સામે રમાયેલી વર્લ્ડ કપની મેચમાં ભારતીય ટીમના કેપ્ટન રોહિત શર્માએ એટલી મોટી ભૂલ કરી હતી જેનાથી સુનીલ ગાવસ્કર ગુસ્સે થઈ ગયા હતા. તમને જણાવી દઈએ કે 8 ઓક્ટોબરે રવિવારના રોજ ચેન્નાઈમાં ઓસ્ટ્રેલિયા સામે રમાયેલી વર્લ્ડ કપ મેચમાં કેપ્ટન રોહિત શર્મા બેટિંગ કરતી વખતે ભારતીય ઈનિંગની બીજી ઓવરમાં શૂન્ય રને આઉટ થઈ ગયો હતો.
ઓસ્ટ્રેલિયાના ફાસ્ટ બોલર જોશ હેઝલવુડે ભારતીય ટીમના કેપ્ટન રોહિત શર્માને તેના એક કિલર બોલમાં LBW આઉટ કર્યો હતો. આ સાથે ભારતીય ઇનિંગ્સની બીજી ઓવરમાં રોહિત શર્મા શૂન્ય પર પેવેલિયન પરત ફર્યો હતો. દિગ્ગજ ક્રિકેટર સુનીલ ગાવસ્કર ભારતીય ટીમના કેપ્ટન રોહિત શર્મા પર ગુસ્સે છે. સુનીલ ગાવસ્કરે રોહિત શર્માની બેટિંગ પર સવાલ ઉઠાવ્યા છે.
ભૂતપૂર્વ ભારતીય કેપ્ટન સુનીલ ગાવસ્કરે કહ્યું, ‘આ વર્લ્ડ કપમાં રોહિત શર્માનું ફૂટવર્ક ખૂબ જ ખરાબ છે. ઓસ્ટ્રેલિયા વિરૂદ્ધ વર્લ્ડકપ મેચમાં રોહિત શર્મા બેટિંગ કરતા કંઈ ખાસ કરી શક્યો નહોતો. જો તમે 2019 વર્લ્ડ કપ પર નજર નાખો તો, રોહિત શર્માએ તે ટૂર્નામેન્ટમાં પાંચ સદી ફટકારી હતી. રોહિત શર્મા માટે 2023 વર્લ્ડ કપ છેલ્લી ટૂર્નામેન્ટ સાબિત થઈ શકે છે. જો તે 2019 વર્લ્ડ કપમાં ફોર્મ હાંસલ કરી લે છે તો ટીમ ઈન્ડિયા માટે તે ખૂબ જ સારા સમાચાર હશે.