નવીદિલ્હી, આ વર્ષે દેશમાં ચોમાસું સામાન્ય રહેવાની ધારણા છે. ખાનગી એજન્સી સ્કાયમેટ વેધર એ મંગળવારે (૯ એપ્રિલ) ચોમાસુ ૨૦૨૪ માટે તેની આગાહી જાહેર કરી. સ્કાયમેટ અનુસાર, આ વર્ષે ચોમાસું લાંબા ગાળા (એલપીએ) ના ૯૬-૧૦૪ % પર સામાન્ય રહેવાની ધારણા છે. એજન્સીના જણાવ્યા અનુસાર, અલ નીનો અસર જે ચોમાસાની ગતિવિધિઓને અવરોધે છે તે હવે ઝડપથી લા નીનામાં પરિવતત થઈ રહી છે. જેના કારણે ચોમાસાનું પરિભ્રમણ મજબૂત થશે. મહારાષ્ટ્ર અને મયપ્રદેશમાં સારા વરસાદની અપેક્ષા છે.
સ્કાયમેટ વેધરએ આગળ આગાહી કરી છે કે દેશમાં જૂનથી સપ્ટેમ્બર (૪ મહિના) સુધીના લાંબા ગાળા માટે ૮૬૮.૬ મીમીની સરેરાશ સાથે ૧૦૨% ( /- ૫%ના ભૂલ માજન સાથે) ચોમાસું ‘સામાન્ય’ રહેશે. આ પહેલા એજન્સીએ ૧૨ જાન્યુઆરીએ ચોમાસાની આગાહી પણ જાહેર કરી હતી. આમાં સ્કાયમેટે કહ્યું હતું કે ‘સામાન્ય’ ચોમાસું રહેશે. હવે બીજી આગાહીમાં પણ આ ચાલુ રાખવામાં આવ્યું છે.
સ્કાયમેટના એમડી જતિન સિંહે કહ્યું- અલ નીનો ઝડપથી લા નીનામાં ફેરવાઈ રહ્યું છે. જેના કારણે લા નીના દરમિયાન ચોમાસાનું પરિભ્રમણ મજબૂત બન્યું છે. વધુમાં, સુપર અલ નીનોથી મજબૂત લા નીનામાં સંક્રમણ ઐતિહાસિક રીતે સારા ચોમાસાની સ્થિતિ તરફ દોરી ગયું છે. જોકે, ચોમાસાની સિઝન અલ નીનોની અવશેષ અસરોથી કેટલાક જોખમો સાથે શરૂ થઈ શકે છે. સિઝનના બીજા તબક્કામાં ચોમાસું પ્રારંભિક તબક્કા કરતાં વધુ ઝડપથી આગળ વધશે.
સ્કાયમેટે તેની ચોમાસાની આગાહીમાં ભારતના દક્ષિણ, પશ્ર્ચિમ અને ઉત્તર-પશ્ર્ચિમ વિસ્તારોમાં સારા વરસાદની આગાહી કરી છે. મહારાષ્ટ્ર અને મયપ્રદેશના મુખ્ય વરસાદી વિસ્તારોમાં પૂરતો વરસાદ પડશે. આ સાથે, જુલાઈ અને ઓગસ્ટમાં ચોમાસાની ટોચ પર બિહાર, ઝારખંડ, ઓડિશા અને પશ્ર્ચિમ બંગાળ સહિતના પૂર્વીય રાજ્યોમાં ઓછો વરસાદ થવાની સંભાવના છે. આ વર્ષે સીઝનના પ્રથમ તબક્કામાં ઉત્તરપૂર્વ ભારતમાં ઓછો વરસાદ થવાની ધારણા છે.