ગોધરા, પંચમહાલ જીલ્લાના બાગાયતી ખેતી કરતા ખેડૂતમિત્રોએ સને વર્ષ 2023-24 માટે બાગાયત ખાતાની વિવિધ યોજનાઓનાં લાભ લેવા માટે આઈ-ખેડૂત પોર્ટલ પર ઓનલાઈન અરજી કરેલ હતી. સદરહુ ઓનલાઈન કરેલ અરજીઓને અત્રેની કચેરી દ્વારા પૂર્વમંજુર કરવામાં આવેલ છે. જે ખેડૂતોને અરજી માટે પૂર્વ મંજુરી મળેલ છે તેમના સહાય કેશોના ખર્ચ બીલો સ્વીકારવાની અંતિમ તારીખ 31/12/2023 છે.જેથી કરીને જીલ્લાના ખેડૂતો તારીખ 31/12/2023 સુધીમાં જરૂરી અસલ બીલો સહીત સાધનિક કાગળો અત્રેની કચેરી,સરનામુંનાયબ બાગાયત નિયામકની કચેરી, ગોધરા, જી.પંચમહાલ, રૂમ નંબર-9 થી 12 બીજોમાળ,જીલ્લા સેવા સદન-2.કલેકટર કચેરી કંમ્પાઉન્ડ, ફોન નંબર 02672-240039 ખાતે રજુ કરવાના રહેશે. જેની પંચમહાલ જીલ્લાના સર્વે બાગાયતી ખેડૂતમિત્રોને નોંધ લેવા નાયબ બાગાયત નિયામક પંચમહાલ દ્વારા એક અખબારી યાદીમાં જણાવ્યું છે.