મહિસાગર,મહીસાગર જીલ્લા ભાજપ દ્વારા જાદાઓના બલિદાન વીર બાલ દિવસ નિમિત્તે પ્રભાત ફેરી, વિવિધ શાળાઓમાં વકતૃત્વ સ્પર્ધા, ચિત્ર સ્પર્ધા, નિબંધ લેખન, જીલ્લા કાર્યાલય ખાતે પ્રદર્શની અને પુષ્પાંજલિના કાર્યક્રમોનું આયોજન કરવામાં આવ્યું હતું. તે અંતર્ગત આયોજીત કાર્યક્રમમાં લુણાવાડા આદર્શ વિદ્યાલય ખાતે જીલ્લા ભાજપ પ્રમુખ દશરથભાઈ બારિયા, પ્રદેશ શિક્ષક સેલ સદસ્ય કિરીટભાઇ પંડ્યા, જીલ્લા ભાજપ મંત્રી અને કાર્યક્ર્મના ક્ધવીનર રાજુભાઇ જોષી હાજર રહ્યા હતા.આ કાર્યક્રમમાં બાળકોમાં વીરતાનો ગુણ કેળવાય તે અનુસંધાને વીર બાળકોની વીરતાની ગાથા રજૂ કરવામાં આવી હતી. શીખ ધર્મના દસમા વારસ ગુરૂ ગોવિંદસિંહના ચારે પુત્રોએ જે શહીદી વહોરી જેમાં ત્રીજા અને ચોથા નંબરના પુત્રો જોરાવરસિંહજી અને ફતેસિંહજીને અનુક્રમે 7 વર્ષ અને 5 વર્ષની ઉમરે સરહિંદના નવાબે જીવતા ચણી દીધા તેમની શહીદીની યાદમાં વીર બાલ દિવસે પુષ્પાંજલિ અર્પણ કરવામાં આવે છે.