હિંમતનગર, પ્રાંતિજ ટોલનાકા પાસેથી સ્ટેટ મોનીટરીંગ સેલના અધિકારીઓ માહિતીને આધારે દારૂ ના જથ્થા સાથે ટ્રાક ઝડપી લીધો હતો. પોલીસે ૪૪.૫૬ લાખના વિદેશી દારૂ સાથે ૬૯.૮૫ લાખનો મુદ્દામાલ કબજે કરીને ત્રણ શખ્સોની ધરપકડ કરી હતી. જ્યારે ફરાર ચાર આરોપીની શોધ હાથ ધરી છે.
સ્ટેટ મોનીટરીંગ સેલના અધિકારીઓને માહિતી મળી હતી કે અમદાવાદ હિંમતનગર હાઈવે પરના પ્રાંતિજ ટોલ નાકા પાસેથી દારૂ ભરેલો ટ્રક પસાર થવાનો છે. જેને આધારે પોલીસે ૧૯ ડિસેમ્બરની મોડી રાત્રે અહીં જાળ બિછાવીને ટ્રક ઝડપી લીધો હતો. ટ્રકમાંથી પોલીસને રૂ.૪૪,૫૬,૮૭૫ ની કિંમતની ૧૧,૮૮૫ વિદેશી દારૂની બોટલો મળી આવી હતી. પોલીસે દારૂ અપરાંતબે વાહનો, પાંચ મોબાઈલ અને રોકડરકમ મળીને કુલ રૂ.૬૯,૮૫,૦૭૫ નો મુદ્દ્માલ કબજે કર્યો હતો.
આ સંદર્ભે પોલીસે રાજસ્થાનના કૈલાશ એન.ભાટીયા, મહેન્દ્ર ઉર્ફે જેકી એમ.ડાંગી અને રામલાલ એસ.મીણાની ધરપકડ કરી હતી. જ્યારે રાજસ્થાનના સુનિલ એમ.દરજી, ભરત ડાંગી તથા અન્ય બે ફરાર આરોપીની શોધ હાથ ધરી છે. આરોપીઓ દારૃનો આ જથ્થો કોને પહોંચાડવાના હતા તેની પોલીસ તપાસ કરી રહી છે.