મુંબઇ, શરદ પવાર ડુંગળીની નિકાસ પર પ્રતિબંધના વિરોધમાં ખેડૂતો સાથેના રસ્તા રોકો વિરોધમાં જોડાયા હતા. કેન્દ્ર સરકારે ૩૧ માર્ચ સુધી ડુંગળીની નિકાસ પર પ્રતિબંધ મૂક્યો છે, જેના કારણે ખેડૂતો નારાજ છે. સરકારના નિર્ણયને કારણે ડુંગળીના વેપારીઓને જે નુક્સાન થઈ રહ્યું છે તેની અસર ખેડૂતોને ભોગવવી પડી રહી છે. કિંમતોમાં અંદાજે ૪૦%નો ઘટાડો થયો છે. શરદ પવારે કહ્યું કે ડુંગળી ઉત્પાદક ખેડૂતોનો અવાજ દિલ્હી સુધી પહોંચાડવા માટે તેમને રસ્તા પર ઉતરવું પડ્યું.કાંદાની નિકાસ પ્રતિબંધનો મુદ્દો મહારાષ્ટ્ર વિધાનસભામાં પણ પડઘો પડ્યો. ડુંગળીની નિકાસ પરનો પ્રતિબંધ તાત્કાલિક હટાવવાની માંગ સાથે વિપક્ષે સરકાર વિરુદ્ધ સૂત્રોચ્ચાર કર્યા હતા.
એનસીપી ધારાસભ્ય અનિલ દેશમુખે કહ્યું કે આ સરકાર ખેડૂત વિરોધી છે. ડુંગળી અને કપાસ ઉત્પાદક ખેડૂતો તરફ સરકાર કોઈ ધ્યાન આપી રહી નથી. શિવસેના યુબીટી ધારાસભ્ય ભાસ્કર જાધવે કહ્યું કે ખેડૂતોને હેરાન કરવાનું કેન્દ્ર સરકારનું કામ છે, થોડા મહિના પહેલા પણ આવું પગલું લેવામાં આવ્યું હતું.
તમને જણાવી દઈએ કે નિકાસ પર પ્રતિબંધ પહેલા ખેડૂતોને ૨૫-૪૫ રૂપિયા પ્રતિ કિલો મળતો હતો, જે આ જાહેરાત બાદ ઘટીને ૧૫-૩૦ રૂપિયા થઈ ગયો છે. ખેડૂતોનું કહેવું છે કે ચાર મહિના પહેલા લાદવામાં આવેલી ૪૦% નિકાસ ડ્યુટીને કારણે ડુંગળીના ભાવમાં ઘટાડો થયો હતો અને હવે નિકાસ પર પ્રતિબંધના કારણે ભાવમાં વધુ ૪૦%નો ઘટાડો થયો છે.
મહારાષ્ટ્રમાં છેલ્લા બે વર્ષથી ડુંગળીનું ઉત્પાદન ઘટ્યું છે વર્ષ ૨૧-૨૨માં ૧૩૬ લાખ હેક્ટરમાં ડુંગળીનું ઉત્પાદન થયું હતું. જે ૨૨-૨૩માં માત્ર ૧૨૦ લાખ હેક્ટર રહી ગયું હતું. અત્યાર સુધીના તાજેતરના આંકડા મુજબ ચાલુ વર્ષ ૨૩-૨૪માં માત્ર ૫૮ લાખ હેક્ટરમાં જ ઉત્પાદન થયું છે.
કેન્દ્ર સરકારનું માનવું છે કે સ્થાનિક ઉત્પાદન વધારવા અને કિંમતોને નિયંત્રણમાં રાખવા માટે ડુંગળીની નિકાસ પર પ્રતિબંધ મૂકવામાં આવ્યો છે, જો કે ખેડૂતોની નારાજગીને જોતા સીએમ શિંદેએ આશ્ર્વાસન આપ્યું છે કે તેઓ ટૂંક સમયમાં આ મુદ્દો કેન્દ્ર સરકાર સમક્ષ ઉઠાવશે. વાત ખેડૂતોના હિતનું ધ્યાન રાખવામાં આવશે. કેન્દ્ર સરકાર હવે એ સુનિશ્ર્ચિત કરવાનો પ્રયાસ કરી રહી છે કે સાપ પણ મરે અને લાકડી પણ ન ફાટે, એટલે કે મોંઘવારીના આક્રમણમાંથી ગ્રાહકોને રાહત મળે અને ખેડૂતોને પણ નુક્સાન ન વેઠવું પડે. હવે જોવાનું એ રહે છે કે સરકારનો મધ્યમ માર્ગ શું છે.