અમદાવાદ, સાબરમતી આશ્રમ પુન:વિકાસ પ્રોજેક્ટ હેઠળ બહાર કાઢવામાં આવેલા ઝૂંપડપટ્ટીના રહેવાસીઓએ ગુજરાત હાઈકોર્ટમાં ધા નાખી છે અને તેને વિનંતી કરી છે કે સત્તાવાળાઓને તેઓ નાના મકાનોમાં રહેવા માટે જગ્યા આપવા અથવા ફાળવવા માટે આદેશ આપે.૩૫ ઘરોના એડવોકેટ આનંદ યાજ્ઞિકે કોર્ટ સમક્ષ રજૂઆત કરી હતી કે આશ્રમ રોડ બંધ કરવાનો છે અને રિડેવલપમેન્ટ સ્કીમના ભાગ રૂપે વૈકલ્પિક માર્ગ નક્કી કરવામાં આવ્યો હોવાથી તેમને કાઢી મૂકવામાં આવ્યા હતા.
આ ઝૂંપડપટ્ટીના રહેવાસીઓને ૨૦૦૫માં હાઈકોર્ટના આદેશ પર સૌપ્રથમ હકાલપટ્ટી કરવામાં આવી હતી, પરંતુ તેઓ પાછા ફર્યા અને સ્થળ પર ફરીથી કબજો જમાવી લીધો. બહાર કાઢવામાં આવેલા પરિવારો પાસે રહેવા માટે કોઈ જગ્યા ન હોવાથી તેઓને રાત્રિના આશ્રયસ્થાનમાં મૂકવામાં આવ્યા છે.
વકીલે રજૂઆત કરી હતી કે યોજના હેઠળ, ૧૭૨ જેટલા પરિવારોને તેમના ઘર ખાલી કરવા માટે પ્રત્યેકને ૬૦ લાખ રૂપિયા ચૂકવવામાં આવ્યા છે અથવા તેમને વૈકલ્પિક આવાસ આપવામાં આવ્યા છે. મ્યુનિસિપલ કોર્પોરેશને તેમના મામલાને સહાનુભૂતિ સાથે યાનમાં લેવો જોઈએ અને આર્થિક રીતે નબળા વર્ગો માટે આવાસ યોજનામાં તેમને સ્થાન આપવાનું વિચારવું જોઈએ. કોર્ટ આ મુદ્દે ૧૮ ડિસેમ્બરે સુનાવણી કરશે.