કાલોલ, કાલોલ તાલુકાના ગંભીરપુરા વાંટા રોડ ઉપર આવેલ ઈંટોના ભઠ્ઠાની બાજુમાં આવેલ રૂમ (ઓરડી) બહાર બે વર્ષીય બાળકી રમતી હતી. ત્યારે પાવર ટેક ટ્રેકટર મિક્ષર મશીનના ચાલકે ટ્રેકટર બેફિકરાઈથી રીવર્સમાં લઈ બે વર્ષીય બાળકી ઉપર ટ્રેકટર મીક્ષર મશીનના બે વ્હીલ માથા ઉપર ચડાવી દઈ ધટના સ્થળે મોત નિપજાવી ગુનો કર્યાની ફરિયાદ નોંધાવા પામી.
પ્રાપ્ત વિગતો મુજબ કાલોલ તાલુકાના ગંભીરપુરા ગામે વાંટા રોડ ઉ5ર આવેલ ઈંટોના ભઠ્ઠાની બાજુમાં રૂમ (ઓરડી) બહાર માનપાલ ચંદુપાલ કશ્યપની બે વર્ષીય બાળકી નંદની રમતી હતી. ત્યારે ઈંટોના ભઠ્ઠામાં પાવરટેક ટ્રેકટર મીક્ષર મશીન નંબર જીજે.06.પીએન.2522ના ચાલક નામે રાધે બીજરાજ જાદવએ પોતાનું ટ્રેકટર બેફિકરાઈથી ચલાવી પુરઝડપે ટ્રેકટર મીક્ષર મશીનને રીવર્સમાં પુરઝડપે હંકારી લાવી નંદની ઉ.વ.2 સાથે એકસીડન્ટ કરી ટ્રેકટર મીક્ષર મશીનની સાઇડના બે વ્હીલ માથા ઉપર ચડાવી દઈ ગંભીર ઈજાઓ કરી સ્થળ ઉપર મોત નિપજાવી ગુન્હો કર્યાની ફરિયાદ કાલોલ પોલીસ મથકે નોંધાવા પામી છે.