દાહોદ, દાહોદ જીલ્લાના ધાનપુર તાલુકાના બોગડવા ગામે રોડની બાજુમાં જંગલના ભાગે ત્રાટકેલી ધાનપુર પોલીસે રૂા.1.32 લાખ ઉપરાંતની કિંમતના વિદેશી દારૂ ઝડપી પાડી કબજે લીધાનું જાણળા મળ્યું છે.
બોગડવા ગામના શૈલેષભાઈ હિમ્મતભાઈ બારીયા, તેનો ભાઈ તથા ચોર બારીયા ગામના મોતીભાઈ મોહનભાઈ બારીયાને છોટાઉદેપુર જીલ્લાના મીઠીબોર ગામના સુરેશભાઈ કાળુભાઈ રાઠવા પાસે વિદેશી દારૂની પેટીઓ મંગાવી બોગડવા ગામે રોડની બાજુમાં જંગલના ભાગે ખાલી કરેલ હોવાની બાતમી ધાનપુર પોલીસને મળી હતી. જે બાતમીના આધારે ધાનપુર પોલીસે ગતરોજ બપોરના દોઢેક વાગ્યાના સુમારે બોગડવા ગામના જંગલમાં બાતમીવાળી જગ્યાએ ઓચિંતી રેડ પાડી સ્થળ પરથી રૂા. 1,31,480/-ની કુલ કિંમતની ભારતીય બનાવટના વિદેશી દારૂની કાંચ પ્લાસ્ટીકની બોટલો તથા બીયર ટીન મળી કુલ નંગ-1056 પકડી પાડી કબજે લઈ ધાનપુર પોલીસે મીઠીબોર ગામના સુરેશભાઈ કાળુભાઈ રાઠવા, બોગડવા ગામના શૈલેષભાઈ હિમ્મતભાઈ બારીયા, તેનો ભાઈ તથા ચોર બારીયા ગામના મોતીભાઈ મોહનભાઈ બારીયા વિરૂધ્ધ પ્રોહીનો ગુનો નોંધી ચારેની ધરપકડના ચક્રોગતિમાન કર્યા છે