ફિલિપાઈન્સમાં એક મોટી દુર્ઘટના સર્જાઈ છે. અહીં યાત્રીઓથી ભરેલી એક બસ ખીણમાં ખાબકી હતી. આ દુર્ઘટનામાં 16 લોકોએ જીવ ગુમાવ્યા. સ્થાનિક અધિકારીઓએ કહ્યું કે ફિલિપાઈન્સમાં એક બસમાં ડઝનેક લોકો સવાર હતા. આ બસ એન્ટીક પ્રાંતમાં એક પર્વત પરથી બેકાબૂ થઈ ખીણમાં સરી ગઈ હતી. જેમાં ઓછામાં ઓછા 16 લોકોએ જીવ ગુમાવ્યો.
ગવર્નર રોડોરા કેડિયાઓએ કહ્યું કે આ બસ દુર્ઘટનામાં ઘાયલ થયેલા લોકોને હોસ્પિટલ ખસેડાયા છે. આઠ લોકોની હાલત ગંભીર છે અને ચારની હાલત સ્થિર હોવાની માહિતી છે. તેમણે કહ્યું કે આ બસ ઈલોઈલો પ્રાંતથી એન્ટિકના કુલાસી શહેર જઈ રહી હતી. ત્યારે બ્રેક ફેલ થઈ જવાને કારણે આ બસ 30 મીટર ઊંડી ખીણમાં પડી ગઈ હતી. આ બસમાં કુલ 53થી વધુ યાત્રીઓ સવાર હોવાની માહિતી છે.