સિડની, ઓસ્ટ્રેલિયામાં એક પબના આઉટડોર ડાઇનિંગ એરિયામાં કાર ઘૂસી જતાં બે બાળકો સહિત ભારતીય મૂળના બે પરિવારના પાંચ સભ્યોના મોત થયા છે. સિડની મોર્નિંગ હેરાલ્ડ અનુસાર, રાત્રે એક બીએમડબ્લ્યુકાર ફૂટપાથ પર ચઢી હતી અને રોયલ ડેલેસફોર્ડ હોટેલની સામે લૉન પર રાત્રિભોજન કરી રહેલા લોકોને ટક્કર મારી હતી.
આ અકસ્માતમાં વિવેક ભાટિયા (૩૮), તેનો પુત્ર વિહાન (૧૧), પ્રતિભા શર્મા (૪૪), તેની પુત્રી અવની (૯) અને ભાગીદાર જતીન ચુગ (૩૦)નું મોત થયા છે. મળતી માહિતી મુજબ, શર્મા અને તેનો પરિવાર અન્ય પારિવારિક મિત્રો ભાટિયા અને તેના પુત્ર વિહાન સાથે રજાઓ માણવા આવ્યા હતા. આ ઘટનામાં વિવેક ભાટિયાની ૩૬ વર્ષીય પત્ની રૂચી અને તેના છ વર્ષના પુત્ર અબીરને ગંભીર હાલતમાં હોસ્પિટલમાં લઈ જવામાં આવ્યા છે. શરૂઆતમાં અબીરની હાલત નાજુક હતી અને તેના બંને પગના હાડકાં ભાંગી ગયા હતા અને આંતરિક ઇજાઓ હતી પરંતુ હવે તે સ્થિર છે.
આ અકસ્માતમાં એક બાળક સહિત ઘણા લોકો ઘાયલ થયા છે, જેમને હોસ્પિટલમાં દાખલ કરવામાં આવ્યા છે. હોસ્પિટલમાં પોલીસે કારના ડ્રાઈવરની પૂછપરછ કરી છે. આ સમયે, માઉન્ટ મેસેડોનથી ૬૬ વર્ષીય ડ્રાઇવરનું નામ બહાર પાડવામાં આવ્યું નથી અને પોલીસ દ્વારા તેની ધરપકડ કરવામાં આવી નથી અથવા તેના પર કોઈ આરોપ મૂકવામાં આવ્યો નથી.
હેરોલ્ડ સનને આપવામાં આવેલા પોલીસ નિવેદનમાં કહેવામાં આવ્યું છે કે આ સમયે ડ્રાઈવર સામે કોઈ આરોપો મૂકવામાં આવ્યા નથી અને હોસ્પિટલમાંથી મુક્ત થયા પછી તેની પૂછપરછ ચાલુ રહેશે. તે દરમિયાન, પ્રતિભા શર્માના પિતા વિકાસે જણાવ્યું હતું કે તેણે તેના મૃત્યુના બે કલાક પહેલા તેની માતા ઉર્મિલા સાથે વાત કરી હતી.
પ્રતિભા શર્મા વિક્ટોરિયન સંસદની વેરીબી બેઠક માટે અપક્ષ ઉમેદવાર તરીકે ચૂંટણી લડી રહ્યા હતા. તેણી રજિસ્ટર્ડ સ્થળાંતર એજન્ટ હતી અને તાજેતરમાં જ વકીલ બની હતી. આ ભયાનક અકસ્માતને કારણે મેલબોર્નની ઉત્તરે આવેલ નાનકડું વિક્ટોરિયન શહેર શોકમાં છે. તેમના અવસાન બાદ ભારતીય સમુદાય શોકમાં છે, ઘણા લોકોએ સોશિયલ મીડિયા પર પોતાનું દુ:ખ વ્યક્ત કર્યું છે.