ગોધરા,ગોધરા તાલુકાના કાંંકણપુર આંંટા ફળીયામાં રહેતા આરોપી ઈસમે પોતાના રહેણાંક મકાનમાં ઈંગ્લીશ દારૂનો જથ્થો વેચાણ માટે રાખેલ છે. તેવી બાતમીના આધારે પોલીસે રેઇડ કરી હતી. રેઇડ દરમિયાન ઈંગ્લીશ દારૂ, બીયર ટીન મળી કિંમત 1,86,912/-અને રોકડ રૂપીયા મળી રૂા.2,19,532/-ના મુદ્દામાલ સાથે એક ઈસમને ઝડપી પાડવામાં આવ્યો.
પ્રાપ્ત વિગતો મુજબ ગોધરા તાલુકાના કાંકણપુર ગામે આંટા ફળીયામાં રહેતા શૈલેષભાઈ ભલાભાઇ પરમાર પોતાના રહેણાંક મકાનમાંં ઈંંગ્લીશ દારૂનો જથ્થો વેચાણ માટે રાખેલ છે. તેવી બાતમીના આધારે કાંકણપુર પોલીસે રેઈડ કરી હતી. રેઈડ દરમિયાન ઈંગ્લીશ દારૂ તથા બીયર ટીન મળી નંગ-1639 કિંંમત 1,86,912/-રૂપીયાનો જથ્થો તેમજ વેચાણ કરનાર ભલાભાઈ પરમાર બન્ને ગુણવંતભાઈ ભલાભાઇ પરમારને ઝડપી અંગઝડતી કરતાં રોકડ 32,620/-રૂપીયા મળી કુલ 2,19,532/-રૂપીયાનો મુદ્દામાલ કબ્જે લીધો હતો. આ બાબતે કાંકણપુર પોલીસ મથકે પ્રોહિબીશન હેઠળ ગુન્હો નોંધાવામાં આવ્યા. જ્યારે બુટલેગર શૈલેષભાઈ ભલાભાઈ પરમાર અને દારૂનો જથ્થો પુરો પાડનાર ઈસમ વિરૂદ્ધ ગુન્હો નોંંધી વોન્ટેડ જાહેર કરવામાં આવ્યા.