ક્રિકેટર શુભમન ગિલ અને સારા તેંડુલકરના અફેરની ચર્ચાને વધુ એક વાર બળ મળ્યું છે કારણ કે તેઓ બન્ને ફરી એક ઈવેન્ટમાં સાથે જોવા મળ્યાં હતા. શુભમન બોલિવુડની અલગ-અલગ સુંદરીઓ સાથેના પોતાના અફેરના સમાચારોને કારણે પણ ચર્ચામાં રહે છે. હવે ફરી એક વાર શુભમન અને સારાના સંબંધની ચર્ચા ઉપડી છે કારણ કે તેઓ બન્ને સાથે સાથે એક ઈવેન્ટમાં દેખાયા હતા. મુકેશ અંબાણીની માલિકીના જિઓ વર્લ્ડ પ્લાઝામાં Jio World Plaza લોન્ચ ઈવેન્ટમાં બન્ને સાથે દેખાયા હતા. પત્રકારો અને ચાહકોને જોતા જ બન્ને ગેટ પાછળ છુપાઈ ગયા હતા અને કેમેરાથી બચવાનો પ્રયાસ કર્યો હતો.
શુભમન ગિલ કહેવાતી ગર્લફ્રેન્ડ સારા તેંડુલકર સાથે પાર્ટીમાં પહોંચ્યો હતો ત્યાં તેમણે સાથે ડિનર પણ કર્યું હોવાનું કહેવાય છે. મુંબઈમાં લક્ઝરી મોલ Jio World Plaza લોન્ચ કરવામાં આવ્યો છે. આ લોન્ચ ઈવેન્ટમાં આખા અંબાણી પરિવારની સાથે આખી બોલિવૂડ જગત અને ઘણા ક્રિકેટરોએ પણ ભાગ લીધો હતો, જેમાંથી એક હતો શુભમન ગિલ, હવે સોશિયલ મીડિયા પર એક વીડિયો વાયરલ થઈ રહ્યો છે જેમાં શુભમન તેની અફવા ગર્લફ્રેન્ડ સારા તેંડુલકર સાથે જોવા મળી રહ્યો છે. . વીડિયોમાં સારા તેંડુલકર અને શુભમન ગિલ ‘જિયો વર્લ્ડ પ્લાઝા’માં ઈવેન્ટમાંથી બહાર આવતા જોવા મળે છે, પરંતુ જેવી તેમની નજર બહાર ઉભેલા મીડિયા પર પડે છે, તેઓ ત્યાં જ અટકી જાય છે અને બંને અલગ-અલગ બહાર આવી જાય છે. બંનેએ મીડિયાને ટાળવાનો પ્રયાસ કર્યો, પરંતુ કેમેરામાં કેદ થઈ ગયા. સારા રેડ ગાઉનમાં હતી અને શુભમન બ્લેક સૂટમાં હતો.
આ સમાચાર સોશિયલ મીડિયા પર વાયરલ થયા બાદ યુઝર્સે વિવિધ પ્રકારની પ્રતિક્રિયાઓ આપી હતી. એક યુઝરે લખ્યું, “શુભમન ભાઈ મીડિયાને જોઈને છુપાઈ ગયા.” અન્ય એક યુઝરે લખ્યું, “સારા અને શુભમન એકસાથે ખૂબ જ સારા લાગી રહ્યા છે.” ત્રીજા યુઝરે લખ્યું, “મને લાગે છે કે સારા અને શુભમન સારા મિત્રો છે.” સારા અને શુભમન પહેલા પણ સાથે જોવા મળ્યા હતા, પરંતુ વચ્ચે સમાચાર આવવા લાગ્યા કે બંને અલગ થઈ ગયા છે. તેમની વચ્ચે સારા અલી ખાન પણ આવી ગઈ છે. પરંતુ ફરી એકવાર બંનેને સાથે જોઈને યૂઝર્સ અનુમાન લગાવી રહ્યા છે કે સારા અને શુભમન હજુ પણ સાથે છે.