અરિજીત સિંહની ગણતરી દેશના સફળ અને ફેમસ સિંગરમાં થાય છે. અરિજીત સિંહને ફેન્સ હંમેશા ઘેરી વળે છે. અનેક વાર એવી પરિસ્થિતિ ઊભી થઈ છે, જ્યારે અરિજીત સિંહ બેકાબૂ થઈ ગયા હોય છે, તેમ છતાં તેઓ ખૂબ જ શાંતિથી પરિસ્થિતિ હેન્ડલ કરે છે. હાલમાં એક એવો કિસ્સો જોવા મળ્યો છે, જ્યારે અરિજીત સિંહને ફેન્સની હરકત જોઈને ગુસ્સો આવી ગયો.
સોશિયલ મીડિયા પર એક વિડીયો શેર કરવામાં આવ્યો છે. વિડીયોમાં જોવા મળી રહ્યું છે કે, એક ફેન બાઈક પર અરિજીત સિંહની કારનો પીછો કરી રહ્યો છે. ફેન એક જગ્યાએ ઊભો રહે છે અને અરિજીત સિંહ સાથે ફોટો ક્લિક કરવા માંગે છે, તેથી અરિજીત સિંહની કારનો દરવાજો ખખડાવે છે.
વિડીયોમાં અરિજીત સિંહ નારાજ જોવા મળી રહ્યા છે. અરિજીત સિંહ કાચ નીચો કરીને ફેન્સને સવાલ પૂછે છે કે, તને ખબર છે, તે કેટલી વાર હોર્ન વગાડ્યું? તુ આ પ્રકારે ડિસ્ટર્બ કરી રહ્યો છે, મને કે રસ્તા પર અન્ય ચાલતા લોકોને? તમે મને મળવા માંગો છો, એટલે અન્ય લોકોને પરેશાન કરવાનો અધિકાર મળી જાય છે?
અરિજીત સિંહનો આ જવાબ સાંભળીને ફેન્સ દંગ રહી ગયા. અરિજીત સિંહ થોડા ચિડાયેલા જોવા મળી રહ્યા હતા, પણ તેમણે ફેનને નિરાશ કર્યો નહોતો. અરિજીત સિંહને જ્યારે ખબર પડી કે, તેઓ એક ફોટો ક્લિક કરવા માંગતા હતા, તેમણે પૂછ્યું કે, ‘તમે ફોટો ક્લિક કરવા માંગો છો? તમે આ બધુ ફોટો માટે કર્યું છે ને? ફોટો ક્લિક કરો, પરંતુ આ રીતે હોર્ન ના વગાડો.’
સોશિયલ મીડિયા પર આ વિડીયો વાયરલ થઈ રહ્યો છે. યૂઝર્સે અરિજીત સિંહના વખાણ કર્યા છે. કેટલાક લોકોએ અરિજીત સિંહને ખરુ ખોટું પણ કહ્યું છે.