- ભાજપના ૨૭ ટકાથી વધુ સાંસદો, ધારાસભ્યો અને મંત્રીઓ એસટી એસસી અને ઓબીસી સમુદાયના છે,
જમશેદપુર, ઝારખંડ બીજેપીના વડા બાબુલાલ મરાંડીએ દેશવ્યાપી જાતિ ગણતરીની વિરોધ પક્ષોની માંગને લક્ષ્યમાં લીધી. તેમણે કહ્યું કે વિપક્ષની માંગની આગામી વર્ષની લોક્સભા ચૂંટણી અને રાજ્યની વિધાનસભાની ચૂંટણીમાં ભગવા પાર્ટી પર કોઈ અસર નહીં થાય.
૨૦૧૯ની સરખામણીમાં લોક્સભા અને વિધાનસભાની ચૂંટણીમાં ભાજપે ઝારખંડમાં વધુ સારું પ્રદર્શન કર્યું છે તેના પર ભાર મૂક્તા પૂર્વ મુખ્યમંત્રીએ કહ્યું કે ભગવા પાર્ટી સત્તા પર આવશે તો રાજ્યમાં ભ્રષ્ટાચાર મુક્ત સરકાર આપશે. આ ઉપરાંત, કાયદો અને વ્યવસ્થાની સ્થિતિ સુધારવાની સાથે, તે રાષ્ટ્રીય નાગરિક નોંધણી (એનઆરસી) લાગુ કરશે અને સર્વાંગી વિકાસને સુનિશ્ર્ચિત કરશે.
મરાન્ડી સંકલ્પ યાત્રામાં ભાગ લેવા જમશેદપુર પહોંચ્યા હતા. આ દરમિયાન તેમણે કહ્યું, ’આપણી પાસે સમગ્ર દેશમાં જાતિ આધારિત આરક્ષણ છે. વધુમાં, રાજકીય પક્ષો પક્ષ-વ્યાપી સર્વેક્ષણો અનુસાર મતવિસ્તારમાં બહુમતી ધરાવતા ચોક્કસ જાતિના ઉમેદવારને નોમિનેટ કરવાની નીતિને અનુસરે છે. તેથી, મને નથી લાગતું કે રાષ્ટ્રવ્યાપી જાતિ ગણતરીની વિપક્ષની માંગની લોક્સભા અને ઝારખંડ વિધાનસભાની ચૂંટણીમાં ભાજપની ચૂંટણીની સંભાવનાઓ પર કોઈ અસર પડશે.
તેમણે કહ્યું કે ભાજપના ૨૭ ટકાથી વધુ સાંસદો, ધારાસભ્યો અને મંત્રીઓ એસટી એસસી અને ઓબીસી સમુદાયના છે, જ્યારે કેન્દ્રીય કેબિનેટમાં આઠ મંત્રીઓ આ કેટેગરીના છે અને વડાપ્રધાન નરેન્દ્ર મોદી પોતે ઓબીસી કેટેગરીના છે. તેમણે આક્ષેપ કર્યો હતો કે જાતિ ગણતરીની માંગ માત્ર કેટલાક રાજકીય પક્ષોના પરિવારોને લાભ આપવા માટે કરવામાં આવી હતી.આવતા વર્ષે યોજાનારી વિધાનસભાની ચૂંટણીઓ અંગે તેમણે કહ્યું કે ભાજપ સારો દેખાવ કરશે કારણ કે લોકોએ રાજ્યમાં જેએમએમ-કોંગ્રેસ-આરજેડી સરકારમાંથી છુટકારો મેળવવાનું મન બનાવી લીધું છે. તેમણે આરોપ લગાવ્યો કે સોરેન સરકાર બળાત્કાર અને હત્યાની ઘટનાઓને રોકવામાં નિષ્ફળ રહી છે.
રાજ્યના સંથાલ પરગણા ક્ષેત્રમાં કથિત ગેરકાયદેસર ઘૂસણખોરી અંગે તેમણે કહ્યું, ’જો અમે સત્તામાં આવીશું, તો અમે સૌથી પહેલા સંથાલ પરગણામાં દ્ગઇઝ્ર લાગુ કરીશું, જ્યાં વસ્તીનું પ્રમાણ ઝડપથી બદલાઈ રહ્યું છે. અમે શોધી કાઢીશું કે આ ઘૂસણખોરો ક્યાંથી આવ્યા છે અને તેમને ઓળખીશું.