શહેરા,શહેરા તાલુકાના બોડીદ્રા ખુર્દ પ્રાથમિક શાળા ખાતે વન્યપ્રાણી સપ્તાહ અંતર્ગત ચિત્રકામ સ્પર્ધા રાખવામાં આવી જેમાં શાળામાં અભ્યાસ કરતા વિદ્યાર્થીઓએ ઉત્સાહ પુર્વક ભાગ લીધો હતો.
શહેરા વન વિભાગ દ્વારા વન્ય પ્રાણી સપ્તાહની ઊજવણી કરવામાં આવી રહી છે. જ્યારે વન વિભાગના આર. એફ.ઓ. રોહિત પટેલના માર્ગદર્શન હેઠળ તાલુકાના નાકુડી ગામમાં આવેલી બોડીદ્રા ખુર્દ પ્રાથમિક શાળા ખાતે વન્યપ્રાણી સપ્તાહ અંતર્ગત ચિત્રકામ સ્પર્ધા રાખવામાં આવી. જેમાં શાળા માં અભ્યાસ કરતા વિદ્યાર્થીઓ એ ઉત્સાહ પુર્વક ભાગ લીધો હતો. વન વિભાગ કચેરીના રાઉન્ડ ફોરેસ્ટર કે.ડી. ગઢવી તેમજ એન.જી. સોલંકીએ વિદ્યાર્થીઓને જંગલ વિશે માહિતગાર કર્યા હતા. વન ચિત્રકામ સ્પર્ધામાં ભાગ લેનાર દરેક વિદ્યાર્થીઓને રાઉન્ડ ફોરેસ્ટર કે.ડી. ગઢવી તેમજ એન.જી. સોલંકીના હસ્તે બોલપેનનું વિતરણ કરવામાં આવ્યું હતું.