કાશી, કોરિડોર બન્યા બાદ કાશી વિશ્ર્વનાથ ધામમાં દાનના તમામ રેકોર્ડ તૂટી ગયા હતા. બાબાના દર્શન કરીને ભક્તોએ પ્રસાદનો રેકોર્ડ તોડ્યો. ગત વખતની સરખામણીમાં ભક્તોએ પાંચ ગણો વધુ પ્રસાદ ચઢાવ્યો છે.
પવિત્ર શ્રાવણ મહિનામાં ૧.૬૩ કરોડ ૧૭ હજાર ભક્તોએ બાબાના દર્શન કર્યા અને ૧૬.૮૯ કરોડ રૂપિયાનું દાન કર્યું. કાશી વિશ્ર્વનાથ ધામના ચીફ એક્ઝિક્યુટિવ ઓફિસર સુનીલ વર્માએ કહ્યું કે આ વખતે શ્રાવણમાં બાબાને ૧૬.૮૯ કરોડ રૂપિયા અર્પણ કરવામાં આવ્યા છે. ૨૦૨૨ ના શ્રાવણમાં પ્રસાદનો આંકડો ૩ કરોડ ૪૦ લાખ ૭૧ હજાર ૦૬૫ હતો. આ વખતે શ્રાવણ માં ૧.૬૩ કરોડ ૧૭ હજાર ભક્તો બાબાના દરવાજે આવ્યા હતા. રેકોર્ડ દાનના કારણે પાયાની સુવિધાઓની સાથે બાબાના દર્શન પણ સરળ બન્યા છે.
ઉલ્લેખનીય છે કે આ વર્ષે અધિક માસના કારણે શ્રાવણ બે મહિનાનો હતો. સુનિલ કુમાર વર્માએ કહ્યું કે મંદિર ટ્રસ્ટ ભક્તો માટે સુવિધાઓ સુધારવા માટે સતત પ્રયાસ કરી રહ્યું છે. મુલાકાતીઓ અને પ્રવાસીઓ માટે વધુ સારી અને સરળ દર્શન વ્યવસ્થા માટે ૫૦ કર્મચારીઓ કામ કરી રહ્યા છે. મુલાકાતીઓને સારી સુરક્ષા અને સુવિધાઓ પૂરી પાડવા માટે ૨૦૦ સફાઈ કામદારો અને ૧૦૦ કર્મચારીઓ તૈનાત કરવામાં આવ્યા છે. કાશી વિશ્ર્વનાથ ધામમાં લોકર અને હેલ્પડેસ્ક પણ લગાવવામાં આવ્યા છે.
વિશ્ર્વનાથ ધામનું નવા ભવ્ય સ્વરૂપમાં આગમન એ ઐતિહાસિક ઘટના હતી. તેના લોન્ચ થયાના બે વર્ષ ઘણી રીતે અભૂતપૂર્વ હતા. સૌથી મહત્વની વાત એ છે કે ભક્તોની સંખ્યામાં લગભગ ૨૦ ગણો વધારો થયો છે. શ્રી કાશી વિશ્ર્વનાથ ધામ અગાઉ ૩૦૦૦ ચોરસ ફૂટમાં હતું. હવે વિસ્તાર પાંચ લાખ ચોરસ ફૂટનો થઈ ગયો છે. ભક્તો માટે પ્રાથમિક સુવિધાઓમાં વધારો કરવામાં આવ્યો છે. આ જ કારણ છે કે ભક્તો માટે બાબાના દર્શન કરવાનું સરળ બન્યું છે. કાશી વિશ્ર્વનાથ મંદિરના ભંડારમાં વધારો થતાં ભક્તોમાં ખુશીની લહેર છે.