મુંબઇ, સુભાષ ઘાઈએ જૂની યાદો તાજી કરતાં ’શિખર’ ના બનવા પાછળનું કારણ જણાવ્યું. તેમણે કહ્યું કે ’શિખર’ની પૃષ્ઠભૂમિ યુદ્ધ પર આધારિત છે. અમે તેના માટે વ્યવસ્થા કરી હતી અને કેટલાક ગીતો પણ રેકોર્ડ કરવામાં આવ્યા હતા. જો કે, ’ત્રિમૂર્તિ’ની નિષ્ફળતા પછી અમારે બજેટની સમસ્યાને કારણે ફિલ્મને પડતી મૂકવી પડી હતી. આ પછી અમે નાના બજેટની ફિલ્મ બનાવવાનું વિચાર્યું અને આખરે ’પરદેશ’ બની.
તમને જણાવી દઈએ કે ’શિખર’ ભલે બની ન હોય પરંતુ ઘાઈએ તેના ચાહકોને નિરાશ કર્યા નથી. ૧૯૯૭માં તે શાહરૂખની સામે ’પરદેસ’ લઈને આવી હતી. અભિનેત્રી મહિમા ચૌધરીએ પણ આ ફિલ્મથી ડેબ્યુ કર્યું હતું. ફિલ્મની વાર્તા ભારતીય અને પશ્ર્ચિમી સંસ્કૃતિના મૂલ્યો અને વિચારોની આસપાસ વણાયેલી છે.
બ્લોકબસ્ટર હિટ ફિલ્મમાં શાહરૂખ મુખ્ય ભૂમિકામાં હતો અને મહિમા તેના પ્રેમના પાત્ર તરીકે. કિંગ ખાને આ ફિલ્મમાં અર્જુનની ભૂમિકા ભજવી હતી, જે વિદેશમાં સ્થાયી છે પરંતુ હજુ પણ પોતાના દેશના સાંસ્કૃતિક મૂલ્યોમાં વિશ્ર્વાસ રાખે છે. વાર્તા ઉપરાંત, ’પરદેસ’ને બોલિવૂડની સદાબહાર ફિલ્મોમાંની એક બનાવવાનો શ્રેય પણ ’યે દિલ દિવાના’ અને ’મેરી મહેબૂબા’ જેવા ગીતોને જાય છે.
દિવંગત રાજકારણી અટલ બિહારી વાજપેયી દ્વારા ફિલ્મનું મ્યુઝિક લોન્ચ કરવામાં આવ્યું હતું. આ ફિલ્મને રિલીઝ થયાને ૨૫ વર્ષથી વધુ સમય થઈ ગયો છે અને લોકો આજે પણ તેને યાદ કરે છે. વર્ક ફ્રન્ટની વાત કરીએ તો શાહરૂખ ટૂંક સમયમાં જ જવાન ફિલ્મમાં જોવા મળશે. આ ફિલ્મ ૭ સપ્ટેમ્બરે સિનેમાઘરોમાં આવવા જઈ રહી છે.