ગોધરા,ગોધરા તાલુકાના દહીકોટ ગામે રહેતા ઈસમ ઇંગ્લીશ દારૂનો જથ્થો લાવી વેચાણ કરે છે. તેવી બાતમીના આધારે પોલીસે રેઈડ કરી ઇંગ્લીશ દારૂનો 1.29 લાખનો જથ્થો ઝડપી પાડવામાં આવ્યો.
પ્રાપ્ત વિગતો મુજબ ગોધરા તાલુકાના દહીકોટ ગામે ડુંગર ફળીયામાં રહેતા નરેન્દ્રભાઇ ઉર્ફે નંદુ દિપસિંહ પટેલ પોતાના રહેણાંક મકાનમાં ઈંગ્લીશ દારૂનો જથ્થો રાખીને ધંધો કરતા હોય તેવી બાતમીના આધારે ગોધરા તાલુકા પોલીસે રેઈડ કરી હતી. રેઈડ દરમિયાન ઈંગ્લીશ દારૂ રોયલ બલ્યુ મલ્ટ વ્હીસ્કીના પ્લાસ્ટીક કવાટરીયા નંગ-1296 કિંમત 1,29,600/-રૂપીયાના મુદ્દામાલ સાથે આરોપી નરેન્દ્રભાઇ ઉર્ફે નંંદુ દિપસિંહ પટેલને ઝડપી પાડવામાં આવ્યો.